02 снежня, серада

Вы тут

Мемарыяльную дошку кампазітару Алегу Молчану адкрыюць у Мінску 26 кастрычніка


Урачыстае адкрыццё мемарыяльнай дошкі ў гонар кампазітара Алега Молчана адбудзецца 26 кастрычніка ў Мінску. Аб гэтым БЕЛТА паведаміла ўдава кампазітара спявачка Ірына Відава.


Адкрыццё адбудзецца ў 12.00 на вуліцы Ракаўскай, 20 на доме, у якім нарадзіўся кампазітар. Ідэя аб тым, якой павінна быць мемарыяльная дошка Алегу Молчану, належыць Ірыне Відавай, а рэалізавалі яе вядомыя беларускія скульптары Вольга Нячай і Сяргей Аганаў. «Праект рэалізаваны пры ўдзеле Нацыянальнага фонду падтрымкі праваўладальнікаў (Расія) і арганізацыйным садзейнічанні Беларускага саюза музычных дзеячаў. Усе неабходныя дакументы для размяшчэння мемарыяльнай дошкі кампазітару Алегу Молчану Міністэрствам культуры і Мінгарвыканкамам былі ўзгоднены даволі хутка», — расказала Ірына Відава.

Вядомы беларускі кампазітар Алег Молчан пайшоў з жыцця 26 кастрычніка 2019 года ў Жэневе, знаходзячыся на лячэнні анкалагічнага захворвання, з якім змагаўся каля трох гадоў. Да 55-гадовага юбілею маэстра пры ўдзеле Ірыны Відавай адбыліся два канцэрты і канцэрт памяці «Там, высока», у якім прагучалі не толькі песенныя хіты, але і інструментальная, і харавая музыка. Акрамя таго, пачаў работу сайт olegmolchan.com.

Выдатны беларускі кампазітар з 1987 года працаваў у Беларускай дзяржаўнай філармоніі, пісаў песні і песенныя цыклы для салістаў Нацыянальнага акадэмічнага канцэртнага аркестра Беларусі, харавых калектываў і вакальных ансамбляў. Міжнароднае прызнанне атрымаў у перыяд супрацоўніцтва з ансамблем «Песняры» і яго мастацкім кіраўніком народным артыстам Беларусі Уладзімірам Мулявіным. Алег Молчан узнагароджаны медалём Францыска Скарыны, быў лаўрэатам міжнародных і нацыянальных музычных прэмій і конкурсаў.

Выбар рэдакцыі

Грамадства

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Каб паглядзець, што тут рыхтуюць да свята і якімі салодкімі навінкамі збіраюцца здзіўляць беларусаў.

Грамадства

Зберагчы дзяцінства, або як сёння змагаюцца з педафіліяй

Зберагчы дзяцінства, або як сёння змагаюцца з педафіліяй

За дзесяць месяцаў бягучага года супрацоўнікі міліцыі выявілі больш за 600 злачынстваў супраць палавой недатыкальнасці або палавой свабоды непаўналетніх.

Грамадства

Школа — прастора для дыялогу. Чаму на тэму булінгу можна і трэба выказвацца ўслых

Школа — прастора для дыялогу. Чаму на тэму булінгу можна і трэба выказвацца ўслых

Рэспубліканскі цэнтр псіхалагічнай дапамогі падрыхтаваў для педагогаў рэкамендацыі па вырашэнні канфліктных сітуацый.

Грамадства

​Што павiнны зрабiць на прадпрыемствах, каб папярэдзiць распаўсюджванне COVID-19

​Што павiнны зрабiць на прадпрыемствах, каб папярэдзiць распаўсюджванне COVID-19

Мiнiстэрства аховы здароўя распрацавала рэкамендацыi па прафiлактыцы каранавiруснай iнфекцыi ў арганiзацыях.