Вы тут

Вытворчасць на Светлагорскім ЦКК не спынена


Светлагорскі ЦКК працуе ў паўнавартасным рэжыме, паведамілі на сайце канцэрна «Беллеспаперапрам».


«Пажар на Светлагорскім ЦКК быў аператыўна лакалізаваны сіламі падраздзяленняў МНС. Вытворчасць не спынена. Лакальная надзвычайная сітуацыя не паўплывала на рытм працы як завода сульфатнай беленай цэлюлозы, так і кардонна-папяровай вытворчасці. У камбіната маюцца рэзервовыя ёмістасці для захоўвання талавага алею, якое ўтвараецца пасля вытворчасці цэлюлозы. Прадпрыемства працуе ў паўнавартасным рэжыме», — сказалі ў прэс-службе.

Як паведамлялася, сёння на камбінаце загарэўся рэзервуар з талавым алеем. Работнік падраднай арганізацыі, які выконваў агнявыя работы, зваліўся з вышыні ад выбухной хвалі і загінуў.

Па дадзеных МНС, да супрацоўнікаў хуткай медыцынскай дапамогі звярнуўся таксама мужчына 1979 года нараджэння. Пасля агляду яго шпіталізавалі з дыягназам «тупая траўма». Пажар ратавальнікі ліквідавалі ў 12.32.

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».