Вы тут

Холад трохi адпусцiць


Рана нам яшчэ сустракаць начныя замаразкi, пакуль рана... А сярэднясутачныя тэмпературы наблiзяцца да сваёй клiматычнай нормы да канца кастрычнiка

Прывыклi мы да цяпла, як да роднага. Увесь год (за выключэннем мая) быў цяплейшы, чым звычайны, а тут халодныя паветраныя масы з акваторыi Баранцава мора прасунулiся далёка ў паўднёвыя шыроты. Тэмпературны рэжым у Беларусi стаў на 1—4 градусы нiжэйшы за клiматычную норму. У мiнулыя выхадныя па ўсходзе краiны пярэдадзень зiмы ўжо адзначыўся першым мокрым снегам.


Але прырода вырашыла, што мерзнуць як след нам яшчэ рана. А таму з трэцяй дэкады кастрычнiка на тэрыторыю нашай краiны «пагонiць» невялiкае пацяпленне, паведамляюць спецыялiсты Рэспублiканскага цэнтра па гiдраметэаралогii, кантролi радыеактыўнага забруджвання i манiторынгу навакольнага асяроддзя Мiнпрыроды.

Яшчэ сёння ўдзень надвор'е ў краiне будзе вызначаць вобласць павышанага атмасфернага цiску, сфармiраваная ў халоднай паветранай масе. А вось з серады сiтуацыя пачне мяняцца. У Атлантыцы набiрае сiлу цыклон, якi, ссоўваючыся на Скандынаўскi паўвостраў, паступова ўцягне ў сваю арбiту надвор'е большасцi краін Еўропы, у тым лiку Беларусi. Уначы ў паўночных, ранiцай i ўдзень у цэнтральных раёнах краiны пройдуць кароткачасовыя дажджы. Уначы i ранiцай у асобных раёнах магчымы туман. Вецер прагназуецца паўднёвы, паўднёва-заходнi ўмераны. Тэмпература паветра ўначы складзе ад нуля да плюс 7 градусаў. Удзень будзе ад 5 да 11 цяпла, па поўднi i захадзе краiны — 12-13 градусаў вышэй за нуль.

Адносна камфортнае надвор'е пачнецца ў чацвер. У гэты дзень халоднае паветра пакiне тэрыторыю краiны. Будзе воблачна, удзень з праясненнямi. Уначы i ранiцай на большай частцы тэрыторыi краiны, удзень месцамi пройдуць кароткачасовыя дажджы. Вецер прагназуецца паўднёва-заходнi ўмераны, удзень парывiсты, па поўначы ў асобных раёнах моцны парывiсты. Тэмпература паветра ўначы складзе ад плюс 4 да 10 градусаў. Павялiчыцца тэмпература i ўдзень, калi будзе 11—17 цяпла, а па поўднi i захадзе краiны — да плюс 19 градусаў.

Праўда, у пятнiцу кастрычнiк абвесцiць, што на дварэ ўсё ж глыбокая восень. Атмасферны цiск вырасце, франтальныя раздзелы пакiнуць тэрыторыю краiны, паменшыцца колькасць аблокаў. Пад уплывам няўстойлiвых паветраных мас месцамi па краiне пройдуць кароткачасовыя дажджы. Вецер прагназуецца паўднёва-заходнi, уначы ўмераны, у дзённыя гадзiны парывiсты. Тэмпература паветра ноччу складзе 5—11 цяпла, а ўдзень будзе ад плюс 9 градусаў да 15, па поўднi — да 17 цяпла.

Паводле папярэднiх прагнозаў айчынных сiноптыкаў, у суботу месцамi па краiне пройдуць кароткачасовыя дажджы. Уначы i ранiцай у асобных раёнах чакаецца туман. Тэмпература паветра ноччу складзе ад плюс 2 градусаў па поўначы да 11 градусаў вышэй за нуль па поўднi краiны. Удзень будзе 7—14 цяпла, у паўднёвых раёнах — да плюс 16 градусаў.

Сяргей КУРКАЧ

Выбар рэдакцыі

Грамадства

Што мяняецца з 1 снежня

Што мяняецца з 1 снежня

Вырасце памер пенсiй: па ўзросце, за выслугу гадоў, па iнвалiднасцi, з прычыны страты кармiцеля. 

Грамадства

​Што павiнны зрабiць на прадпрыемствах, каб папярэдзiць распаўсюджванне COVID-19

​Што павiнны зрабiць на прадпрыемствах, каб папярэдзiць распаўсюджванне COVID-19

Мiнiстэрства аховы здароўя распрацавала рэкамендацыi па прафiлактыцы каранавiруснай iнфекцыi ў арганiзацыях.

Грамадства

Бонусы для альтруiстаў могуць быць прадугледжаны законам аб валанцёрскай дзейнасцi

Бонусы для альтруiстаў могуць быць прадугледжаны законам аб валанцёрскай дзейнасцi

Пра гэтыя i iншыя прапановы ў законапраект аб валанцёрскай дзейнасцi разважалi эксперты падчас круглага стала.

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава.