19 кастрычніка ў Жэневе пачала работу восьмая Канферэнцыя ААН па пераглядзе ўсіх аспектаў Комплексу ўзгодненых на шматбаковай аснове справядлівых прынцыпаў і правілаў кантролю за абмежавальнай дзелавой практыкай, гаворыцца на сайце МАРГ Беларусі.
Канферэнцыя праводзіцца раз у 5 гадоў і дае магчымасць прадстаўнікам урадаў, кіраўнікам антыманапольных органаў развітых краін і краін, якія развіваюцца, усталяваць прамыя кантакты і садзейнічаць па добраахвотным супрацоўніцтве і абмену перадавым вопытам.
У працы канферэнцыі прымае ўдзел у фармаце відэаканферэнцсувязі дэлегацыя Рэспублікі Беларусь на чале з Міністрам антыманапольнага рэгулявання і гандлю Уладзімірам Калтовічам, які 19 кастрычніка выступіў на сесіі, прысвечанай укараненню зводу прынцыпаў і правілаў кантролю за абмежавальнай дзелавой практыкай.
У сваім выступе Уладзімір Калтовіч праінфармаваў аб дзяржаўнай палітыцы Беларусі ў сферы канкурэнцыі, падзякаваў Сакратарыяту ЮНКТАД за падрыхтаваны Агляд беларускага канкурэнтнага заканадаўства, а таксама выказаў падтрымку ініцыятывы па барацьбе з трансгранічнымі картэлямі.
Нагадаем, эксперты МАРГ актыўна ўзаемадзейнічаюць з ЮНКТАД на пляцоўцы дыскусійнай групы ЮНКТАД па міжнародным супрацоўніцтве, у якой беларускі бок таксама з’яўляецца спонсарам і адным з распрацоўшчыкаў Інструментарыя па міжнародным супрацоўніцтве канкурэнтных ведамстваў па супрацьдзеянні абмежавальным дзелавым практыкам транснацыянальных карпарацый і парушэнняў правілаў канкурэнцыі, якія носяць трансгранічны характар.
Агулам, падчас Канферэнцыі, якая пройдзе ў перыяд з 19 па 23 кастрычніка, плануецца разгледзець шырокае кола пытанняў па канкурэнцыі і абароне правоў спажыўцоў, абмеркаваць уплыў пандэміі COVID-19 і цыфравізацыі на гэтыя сферы, ацаніць эфектыўнасць тэхнічнай дапамогі, якая прадастаўляецца ў рамках ЮНКТАД, арганізаваць абмен перадавым вопытам дзяржаў-членаў. Сакратарыят ЮНКТАД таксама плануе абмеркаваць змены і каментары да Тыпавога закону ЮНКТАД аб канкурэнцыі.
Удзел дэлегацыі МАРГ запланаваны ў круглым стале па барацьбе з трансгранічнымі картэлямі, Круглым стале па канкурэнтнай нейтральнасці і Сесіі па міжнародным супрацоўніцтве па прыняцці «кіруючых прынцыпаў і працэдур у адпаведнасці з раздзелам F Комплексу ўзгодненых на шматбаковай аснове справядлівых прынцыпаў і правілаў для кантролю за абмежавальнай дзелавой практыкай».
Прэв’ю: БЕЛТА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
