Вы тут

Канал NEXTA Live і лагатып NEXTA прызнаныя экстрэмісцкімі матэрыяламі


Рашэннем суда Цэнтральнага раёна Мінска ад 20 кастрычнiка інфармацыйны канал інтэрнэт-месенджара Telegram — NEXTA-Live (t.me/nexta_live) і лагатып (лічбавы вадзяны знак) NEXTA прызнаныя экстрэмісцкімі матэрыяламі, паведамляе сайт Вярхоўнага суда.


Такое рашэнне прынята ў сувязі з утрыманнем інфармацыйнай прадукцыі (відэаролікаў, заклікаў і публікацый як ад імя самой рэдакцыі канала, так і падпісчыкаў) з прыкметамі экстрэмісцкай дзейнасці. Гаворка ідзе пра арганізацыю і публічныя заклікі да ажыццяўлення масавых беспарадкаў.

Міністэрству інфармацыі неабходна ўключыць інфармацыйны канал інтэрнэт-месенджара Telegram — NEXTA-Live (t. me/nexta_live) і лагатып NEXTA ў рэспубліканскі спіс экстрэмісцкіх матэрыялаў, прыняць меры па абмежаванні доступу да інфармацыйных рэсурсаў, якія змяшчаюць аналагічныя найменні, і іх распаўсюджванне ў беларускім сегменце.

Рашэнне суда падлягае неадкладнаму выкананню.

Грамадзянская справа разгледжана па заяве Галоўнага ўпраўлення па барацьбе з арганізаванай злачыннасцю і карупцыяй Міністэрства ўнутраных спраў Беларусі аб прызнанні інфармацыйнай прадукцыі экстрэмісцкімі матэрыяламі.

Як устаноўлена падчас судовага паседжання, МУС праводзяцца мерапрыемствы ў адносiнах да асоб, якія ў Telegram-канале NEXTA-Live ў перыяд з 9 па 11 жніўня 2020 года размясцілі інфармацыю, у якой, як вынікае з экспертнага заключэння Рэспубліканскай экспертнай камісіі па ацэнцы інфармацыйнай прадукцыі на прадмет наяўнасці (адсутнасці) у ёй прыкмет праявы экстрэмізму, утрымліваюцца прыкметы экстрэмісцкай дзейнасці. Заяўнік прасіў прызнаць названыя інфармацыйны канал і лагатып экстрэмісцкімі матэрыяламі і даручыць Міністэрству інфармацыі ўключыць іх у рэспубліканскі спіс экстрэмісцкіх матэрыялаў.

Судом устаноўлена, што інфармацыйная прадукцыя (відэаролікі), размешчаная ў Telegram-канале NEXTA-Live ў перыяд з 9 па 11 жніўня 2020 года, змяшчае прыкметы экстрэмісцкай дзейнасці ў адпаведнасці з арт.1 Закона Рэспублікі Беларусь «Аб супрацьдзеянні экстрэмізму», а менавіта: арганізацыя і публічныя заклікі да ажыццяўлення масавых беспарадкаў.

Названыя абставіны, як адзначылі ў прэс-службе Вярхоўнага суда, пацверджаны экспертным заключэннем Рэспубліканскай экспертнай камісіі па ацэнцы інфармацыйнай прадукцыі на прадмет наяўнасці (адсутнасці) у ёй прыкмет праявы экстрэмізму. Дадзенае заключэнне складзена ўпаўнаважаным органам, у сувязі з чым прызнана пэўным і дастатковым доказам па справе.

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.