Вы тут

ЕЭК абнуліла ўвазную пошліну на высушаныя какосавыя арэхі


Калегія Еўразійскай эканамічнай камісіі абнуліла стаўку ўвазной мытнай пошліны на высушаныя какосавыя арэхі тэрмінам на тры гады, паведамілі БЕЛТА ў прэс-службе ЕЭК.


Дадзенае рашэнне прынята па выніках разгляду ініцыятыўнай прапановы Расіі. Да гэтага часу памер пошліны складаў 3%.

«Высушаныя і здробненыя какосавыя арэхі (какосавая габлюшка) выкарыстоўваюцца пры вытворчасці некаторых відаў мучных кандытарскіх вырабаў, у прыватнасці, тартоў, пірожных і печыва, — растлумачылі ў ЕЭК. — З улікам таго, што з-за прыродна-кліматычных умоў какосавыя пальмы на тэрыторыі дзяржаў — членаў Еўразійскай эканамічнай саюза не растуць, патрэба ў какосавай стружцы забяспечваецца за кошт імпартных паставак».

Прынятае рашэнне накіравана на скарачэнне выдаткаў на вытворчасць гатовай прадукцыі, павелічэнне долі вырабаў з выкарыстаннем какосавай габлюшкі, а таксама ўмацаванне пазіцый кандытарскіх прадпрыемстваў краін ЕАЭС на экспартных рынках. «Як чакаецца, зніжэнне стаўкі ўвазной мытнай пошліны на высушаныя какосавыя арэхі дапаможа аднавіць аб’ёмы вытворчасці кандытарскай прадукцыі ў дзяржавах — членах, якія прадэманстравалі спад ва ўмовах пандэміі», — пракаментаваў рашэнне дырэктар Дэпартамента мытна-тарыфнага і нетарыфнага рэгулявання ЕЭК Ваган Казаран.

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».