Вы тут

Галоўчанка: 2021 — год аднаўленчага росту эканомікі, запуску новага інвестыцыйнага цыкла


Асноўныя індыкатары пры дапрацоўцы прагнозу сацыяльна-эканамічнага развіцця Беларусі — павышэнне ўзроўню і якасці жыцця насельніцтва, стымуляванне дзелавой і інвестыцыйнай актыўнасці. Пра гэта прэм'ер-міністр Раман Галоўчанка заявіў учора на пасяджэнні Савета Міністраў, дзе абмяркоўваліся праекты прагнозу сацыяльна-эканамічнага развіцця Беларусі, асноўных напрамкаў грашова-крэдытнай палітыкі і рэспубліканскага бюджэту на 2021 год.


Па яго словах, 2021 год — год аднаўленчага росту эканомікі, запуску новага інвестыцыйнага цыкла, таму галоўнае — за кошт якіх рэсурсаў эканамічнай палітыкі будзе забяспечвацца прагнозны параметр інвестыцый. «Без росту інвестыцый у асноўны капітал эканамічны рост апераджальнымі тэмпамі для нашай краіны немагчымы», — сказаў прэм'ер.

Асноўныя параметры дзяржаўнага бюджэту 2021 года і прапановы па карэкціроўцы Падатковага кодэкса ўжо разгледжаны, таму кіраўнік урада папрасіў далажыць, як выкананы даручэнні па ўрэгуляванні спрэчных момантаў.

Сярод іх — пытанні акцызнай палітыкі на тытунь, аптымізацыі льгот па падатку на дабаўленую вартасць, а таксама аб'ёмы расходаў бюджэту, звязаных з эпідэміялагічнай сітуацыяй.

«Бюджэт будучага года фарміруецца ва ўмовах нестабільнай эканамічнай кан'юнктуры. Магчымасці бюджэтнага стымулявання значна абмежаваны з улікам неабходнасці выконвання ўсіх сацыяльных абавязкаў дзяржавы і своечасовага пагашэння і абслугоўвання дзяржаўнага доўгу. Таму лабістам дадатковых расходных абавязкаў бюджэту неабходна мець рэальныя прапановы па адпаведных крыніцах даходаў», — перадае словы Рамана Галоўчанкі прэс-служба ўрада.

Перад пасяджэннем міністр эканомікі Аляксандр Чарвякоў расказаў журналістам, што для сацыяльнай стабільнасці, росту дабрабыту насельніцтва падрыхтавалі праект указа, які складаецца з двух блокаў — сацыяльнага і эканамічнага. «Першы з чатырох ключавых кірункаў сацыяльнага блока звязаны з даходамі насельніцтва. Стаіць задача забяспечыць прырост даходаў насельніцтва больш чым на 7 % у намінальным выражэнні», — паведаміў Аляксандр Чарвякоў.

Другая задача — не дапусціць росту цэн на сацыяльна значныя тавары вышэй за ўзровень інфляцыі. Трэці кірунак — узровень беспрацоўя не павінен перавысіць 4,4 %. Чацвёртая задача — пабудаваць у 2021 годзе каля чатырох мільёнаў «квадратаў» жылля, прыблізна чвэрць з іх — з дзяржпадтрымкай.

Марыя ДАДАЛКА

Загаловак у газеце: Чатыры задачы для эканомікі

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.