Сярод удзельнікаў кіраўніцтва ўрада, Адміністрацыі Прэзідэнта, старшыні Палаты прадстаўнікоў і Савета Рэспублікі, Вярхоўнага суда, кіраўнікі сілавых ведамстваў, губернатары. Усяго больш за 20 вышэйшых службовых асоб.
— Традыцыйна сёння ў нас нарада па актуальных бягучых пытаннях. Тры блокі праблем і пытанняў, якія мы павінны разгледзіць. Блок эканомікі і фінансаў, пра якія, я мяркую, даложыць прэм’ер-міністр і тыя, хто жадае выступіць. Блок палітыкі, па якім выступіць кіраўнік Адміністрацыі і тыя, хто жадае па гэтым пытанні выказаць свае меркаванні ці ўзняць нейкае пытанне, зробяць гэта. І трэцяя група пытанняў тычыцца грамадскай бяспекі. Тут прысутнічаюць прадстаўнікі ўсіх сілавых структур, — пачаў Аляксандр Лукашэнка.
Прэзідэнт дадаў, што ўчора ўрад разгледзеў рашэнні па перспектывах развіцця і бюджэту на будучы год. Аляксандр Лукашэнка прапанаваў па гэтым пытанні сустрэцца пасля лістападаўскіх свят і больш дэтальна абмеркаваць перспектывы на 2021 год.
— А ў снежні, я мяркую, мы вернемся да пытанняў падрыхтоўкі Усебеларускага народнага сходу, дзе вызначым задачы развіцця нашай краіны на пяцігодку і там разгледзім глабальныя пытанні развіцця нашай дзяржавы, — адзначыў Прэзідэнт.
Марыя ДАДАЛКА
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.
