03 снежня, чацвер

Вы тут

У Барысаве раскрыта серыя крадзяжоў акумулятараў з аўтамабіляў


У пачатку кастрычніка ў аператыўна-дзяжурную службу Барысаўскага РУУС адно за адным сталі паступаць паведамленні аб фактах крадзяжоў з машын. Прадметам замаху станавіліся акумулятарныя батарэі і дызельнае паліва, а месцам злачынства — старая частка горада і прылеглыя вёскі. Падрабязнасці гэтых крымінальных эпізодаў паведамляе УУС Мінскага аблвыканкама.


Першая крадзеж быў па вуліцы Савецкай. З аўтамабіля «Даф», прыпаркаванага ў двары дома, выкралі дзве акумулятарныя батарэі. На наступны дзень — падобная карціна на суседняй вуліцы. Праз нейкі час чарада аналагічных крадзяжоў у вёсцы Пчэльнік, што ў кіламетры ад горада.

Выйсці на след зламыснікаў атрымалася дзякуючы інфармацыі ад жыхароў навакольных дамоў. Грамадзяне распавялі праваахоўнікам аб падазроных асобах, якія ў начны час корпаліся на аўтамабільнай стаянцы. Як пасля стала вядома, у тую ноч у жыхара аднаго з дамоў выкралі дзве акумулятарныя батарэі.

Неўзабаве праваахоўнікі ўстанавілі: зламыснікі працуюць у пары і перасоўваюцца на «Жыгулях» з расійскімі нумарамі. У ходзе правядзення аператыўных мерапрыемстваў падазраваных затрымалі. Імі апынуліся двое не працуючых прыяцеляў — абодва мясцовыя жыхары 1963 і 1975 гадоў нараджэння. За плячыма аднаго з іх ужо не адна судзімасць.

Вядома, што выкрадзенае дуэт перапрадаваў. Тое, што збыць не атрымлівалася — здавалі на нарыхтоўчыя пункты. Ужо ўстаноўлена каля дзесяці эпізодаў крымінальнай дзейнасці барысаўчан.

Па дадзеных фактах распачаты крымінальныя справы па артыкуле 205 Крымінальнага кодэкса Рэспублікі Беларусь («Крадзеж»). Міліцыянеры правяраюць датычнасць мужчын да здзяйснення аналагічных злачынстваў на тэрыторыі горада і раёна.

Сяргей РАСОЛЬКА

Фота з сайта УУС Мінскага аблвыканкама

Выбар рэдакцыі

Грамадства

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Каб паглядзець, што тут рыхтуюць да свята і якімі салодкімі навінкамі збіраюцца здзіўляць беларусаў.

Грамадства

Зберагчы дзяцінства, або як сёння змагаюцца з педафіліяй

Зберагчы дзяцінства, або як сёння змагаюцца з педафіліяй

За дзесяць месяцаў бягучага года супрацоўнікі міліцыі выявілі больш за 600 злачынстваў супраць палавой недатыкальнасці або палавой свабоды непаўналетніх.

Грамадства

Школа — прастора для дыялогу. Чаму на тэму булінгу можна і трэба выказвацца ўслых

Школа — прастора для дыялогу. Чаму на тэму булінгу можна і трэба выказвацца ўслых

Рэспубліканскі цэнтр псіхалагічнай дапамогі падрыхтаваў для педагогаў рэкамендацыі па вырашэнні канфліктных сітуацый.

Грамадства

​Што павiнны зрабiць на прадпрыемствах, каб папярэдзiць распаўсюджванне COVID-19

​Што павiнны зрабiць на прадпрыемствах, каб папярэдзiць распаўсюджванне COVID-19

Мiнiстэрства аховы здароўя распрацавала рэкамендацыi па прафiлактыцы каранавiруснай iнфекцыi ў арганiзацыях.