Вы тут

Малады чалавек угнаў аўтамабіль, пакуль яго ўладальнік з напарнікам секлі лес


19-гадовы жыхар Верхнядзвінскага раёна раней ужо двойчы прыцягваўся да адказнасці за тое, што без дазволу браў чужыя транспартныя сродкі.


На гэты раз аўтаўладальнік пакінуў свой старэнькі «Мэрсэдэс» на ўзбочыне дарогі і з напарнікам сышоў секчы лес. Як паведамляе аддзяленне інфармацыі і грамадскіх сувязяў УУС Віцебскага аблвыканкама, машына была не зачынена, а ў замку запальвання тырчалі ключы. Больш за тое, у салоне знаходзіліся ўсе дакументы, а таксама банкаўская картка і пін-код ад яе.

Угоншчык адправіўся ў бок абласнога цэнтра. Калі праехаў больш за сто кіламетраў, у яго скончылася паліва. Малады чалавек узяў пустую каністру і з ёй пайшоў да бліжэйшай запраўкм. Не забыўся ён прыхапіць з сабой і чужую картку. Па дарозе зламыснік у краме набыў сякія-такія тавары. Пра тое, што на гэтым грошы скончыліся, высветлілася толькі на АЗС.

Здзіўлены знікненнем сваёй машыны, уладальнік звярнуўся ў міліцыю. Пошукі угнанай іншамаркі вяліся ў шасці раёнах вобласці. У выніку злачынец быў затрыманы недалёка ад той самай запраўкі, куды хадзіў за палівам. У дачыненні да яго распачата крымінальная справа.

Сяргей РАСОЛЬКА

Фота з сайта УУС Віцебскага аблвыканкама

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.