Вы тут

«БЕЛДЖЫ» у III квартале заняло першае месца па продажах легкавых аўто ў Беларусі


СЗАТ «БЕЛДЖЫ» ў III квартале 2020 года заняло першае месца па продажах легкавых аўтамабіляў у Беларусі. Аб гэтым паведаміў сёння на прэс-канферэнцыі, прымеркаванай да Дня аўтамабіліста і дарожніка, галоўны тэхнолаг прадпрыемства Віталь Быліцкі, перадае БЕЛТА.


«Мы за трэці квартал занялі першае месца па продажах легкавых аўтамабіляў у Беларусі. У гэтым годзе мы таксама асвоілі вытворчасць па поўным тэхналагічным цыкле аўтамабіля, які спадабаўся як спажыўцам у Расіі, так і ў Беларусі — гэта Geely Coolray. Ён цяпер вельмі запатрабаваны», — сказаў Віталь Быліцкі.

Галоўны тэхнолаг расказаў, што «БЕЛДЖЫ» перадало дылерам доследную партыю дзвюх новых мадэлей. «Гэта Geely Tugella — прэміяльны красовер. Ён валодае максімальнымі опцыямі бяспекі і камфортнасці, а таксама найноўшымі тэхналогіямі, якія ёсць сёння ў легкавым аўтамабілебудаванні. І другая, больш бюджэтная, мадэль — хэтчбэк Geely GS, які ў цэнавым сегменце будзе даволі канкурэнтаздольным», — растлумачыў ён.

Паводле яго слоў, прадпрыемства таксама працуе і над электрамабілем. «Гэта электрамабіль Geely Geometry A. Ён пастаўляецца на акумулятарных батарэях дзвюх ёмістасцей — 51,9 кВт/гадз і 61,9 кВт/гадз. У першай версіі каля 400 км запас ходу (у зімовых умовах яшчэ будзем тэсціраваць), у другой — каля 500 км, — адзначыў Віталь Быліцкі. — У электрамабілі ёсць адаптыўны круіз-кантроль, сістэма аўтаматычнай паркоўкі, утрымання ў паласе і распазнавання дарожных знакаў, а таксама сістэма бяспекі, якая незалежна ад вадзіцеля спыніць аўто перад перашкодай. У канструкцыі выкарыстаны сучасныя матэрыялы і канструктыўныя рашэнні».

Урачыстае адкрыццё завода «БЕЛДЖЫ» адбылося 17 лістапада 2017 года. Прадпрыемства размясцілася паміж Барысавам і Жодзінам, займае плошчу 118 га. Аўтамабілі беларускай зборкі маркі Geely сертыфікаваны згодна з патрабаваннямі тэхнічнага рэгламенту Мытнага саюза, выпрабаваны па методыцы EuroNCAP (тэсты прадугледжваюць такія выпрабаванні, як франтальны, бакавы ўдар і інш.).

Прэв’ю: belgee.by

Выбар рэдакцыі

Грамадства

Настаўнік года Вадзім Лосеў: Са школы павінны выходзіць шчаслівыя людзі

Настаўнік года Вадзім Лосеў: Са школы павінны выходзіць шчаслівыя людзі

«Я хацеў бы, каб у гэтай зале і ў гэтым свеце ніхто і ніколі не ставіў пад сумненне ўпэўненасць у сабе».

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.