03 снежня, чацвер

Вы тут

Орда: мы павінны паказаць усім, хто ў нашай краіне гаспадар


Мы павінны паказаць усім, хто ў нашай краіне гаспадар, заявіў у эфіры «Беларусь 1» старшыня Федэрацыі прафсаюзаў Беларусі Міхаіл Орда. Ён прыняў удзел у сустрэчы з маладзёжным актывам галіновых прафсаюзаў у Лагойскім раёне, паведамляе БелТА.


Фота БелТА.

«Мы сёння бачым, што людзі кансалідуюцца, таму што разумеюць, да чаго могуць прывесці беспарадкі, якія адбываюцца ў краіне, а таксама заклікі ў інтэрнэце. Мы, безумоўна, бачым, што людзі стаміліся ад таго, што адбываецца, і самае галоўнае — яны разумеюць, што можна сёння страціць, — сказаў Міхаіл Орда. — Мы падалі заяўку на правядзенне мерапрыемства і запрашаем усіх жадаючых, якія хочуць выказаць сваю пазіцыю, каму неабыякавы лёс нашай краіны, прыйсці ў нядзелю і гэту пазіцыю выразна і дакладна выказаць і паказаць. Па вялікім рахунку, паказаць, хто ў нашай краіне гаспадар і што намі не будуць кіраваць з-за мяжы і камандаваць намі. Беларусы — недурныя людзі. Гэта мерапрыемства мы праводзім разам з нашымі грамадскімі арганізацыямі — маладзёжнымі, жаночымі, ветэранскімі, „Белай Руссю“. Нас шмат, і мы разам».

Старшыня ФПБ адзначыў, што на камунікацыйных пляцоўках, арганізаваных прафсаюзамі, разглядаюцца ўсе актуальныя для грамадства пытанні. У час сустрэчы з маладзёжным актывам галіновых прафсаюзаў абмяркоўваліся самыя розныя пытанні — ад практыкі прымянення працоўнага заканадаўства, абароны сацыяльна-эканамічных правоў людзей да прапаноў па змяненнях у Канстытуцыю і ў цэлым па сітуацыі ў краіне.

У гэтыя дні ў Лагойскім раёне праходзіць шостая змена курсаў маладзёжнага прафсаюзнага актыву. Кожны тыдзень тут навучаюцца 60 чалавек — прадстаўнікі двух галіновых прафсаюзаў. На гэтым тыдні — актыў прафсаюзаў работнікаў АПК і будаўніцтва. Галоўная мэта — навучыць маладых прафсаюзных актывістаў прымяняць на практыцы навыкі эфектыўнай работы па абароне працоўных і сацыяльна-эканамічных інтарэсаў работнікаў як у дасудовым парадку, так і ў судах.

Выбар рэдакцыі

Грамадства

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Каб паглядзець, што тут рыхтуюць да свята і якімі салодкімі навінкамі збіраюцца здзіўляць беларусаў.

Грамадства

Зберагчы дзяцінства, або як сёння змагаюцца з педафіліяй

Зберагчы дзяцінства, або як сёння змагаюцца з педафіліяй

За дзесяць месяцаў бягучага года супрацоўнікі міліцыі выявілі больш за 600 злачынстваў супраць палавой недатыкальнасці або палавой свабоды непаўналетніх.

Грамадства

Школа — прастора для дыялогу. Чаму на тэму булінгу можна і трэба выказвацца ўслых

Школа — прастора для дыялогу. Чаму на тэму булінгу можна і трэба выказвацца ўслых

Рэспубліканскі цэнтр псіхалагічнай дапамогі падрыхтаваў для педагогаў рэкамендацыі па вырашэнні канфліктных сітуацый.

Грамадства

​Што павiнны зрабiць на прадпрыемствах, каб папярэдзiць распаўсюджванне COVID-19

​Што павiнны зрабiць на прадпрыемствах, каб папярэдзiць распаўсюджванне COVID-19

Мiнiстэрства аховы здароўя распрацавала рэкамендацыi па прафiлактыцы каранавiруснай iнфекцыi ў арганiзацыях.