У аператыўна-дзяжурную службу Барысаўскага РУУС з заявай звярнуўся 71-гадовы гараджанін. Мужчына распавёў, што ў яго няма доступу ва ўласны гараж, невядомыя змянілі замкі, паведамляе УУС Мінаблвыканкама.
Як распавёў пенсіянер, гаражом ён карыстаўся вельмі рэдка, у лепшым выпадку раз у год. Таму не выключае таго моманту, што камусьці магло падацца, што гараж закінуты і нікому не належыць.
У ходзе правядзення аператыўна-вышуковых мерапрыемстваў было ўстаноўлена, што пакласці вока на чужую маёмасць наважыўся 50-гадовы жыхар райцэнтра. Мужчына арандаваў у гэтым жа кааператыве гараж і без усялякага сораму заняў і пустуючы па суседству. Ён зрэзаў навясны замок і карыстаўся памяшканнем для ўласных патрэб.
З часам мужчына навёў парадак у гаражы, змяніў замок, а потым і зусім, адчуўшы сябе паўнавартасным гаспадаром, вырашыў пазбавіцца ад маёмасці, якая захоўвалася ўнутры. Пазней праваахоўнікі ўстанавілі, што сума нанесенай шкоды склала 100 рублёў.
Калі ўласнік гаража ўсё ж аб’явіўся, і міліцыянеры выйшлі на след новага «гаспадара», апошні пачаў выкручвацца. Нібыта ён добрапрыстойны арандатар, а гараж яму за грошы здаў незнаёмы грамадзянін. Аднак дадзеная інфармацыя пацверджання не знайшла. Мужчына прызнаўся і раскаяўся ў зробленым.
У дачыненні да грамадзяніна распачата крымінальная справа, следчымі будзе дадзена прававая ацэнка.
Сяргей РАСОЛЬКА
Фота з сайта УУС Мінаблвыканкама
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
