03 снежня, чацвер

Вы тут

«Гомельтранснафта Дружба» распачала будаўніцтва нафтаправода «Гомель – Горкі»


Гэта першы падобны аб’ект у гісторыі суверэннай Беларусі. Урачыстае мерапрыемства з гэтай нагоды прайшло напярэдадні ў аграгарадку Бабовічы Гомельскага раёна.


Візы ў першага зварачнага шва нафтаправода паставілі намеснік прэм’ер-міністра Юрый Назараў, намеснік старшыні канцэрна «Белнафтахім» Віталь Мілевіч, старшыня Гомельскага аблвыканкама Генадзь Салавей, генеральны дырэктар ААТ «Гомельтранснафта Дружба» Алег Барысенка і генеральны дырэктар ВА «Беларуснафта» Аляксандр Ляхаў.

Першы стык труб нафтаправода зварыў робат — сучасны арбітальны зварачны апарат. Гэта забяспечвае стопрацэнтную гарантыю высакаякаснага шва.

Нафтаправод «Гомель – Горкі» будзе ўяўляць сабой перамычку даўжынёй у 207 кіламетраў, якая злучыць два магістральных трубаправода: «Унеча – Полацк» і «Унеча – Мазыр – Адамава».

Асноўная мэта праекта — дыверсіфікацыя паставак нафты. Нафтаправод  дазволіць перапампоўваць сыравіну паміж Мазырскім і Наваполацкім нафтаперапрацоўчымі заводамі (зараз перавозяць па чыгунцы). Магутнасць нафтаправода складзе 6 мільёнаў тон у год. Ён пройдзе па тэрыторыі Гомельскага, Буда-Кашалёўскага, Чачэрскага, Кармянскага раёнаў на Гомельшчыне, а таксама Чэрыкаўскага, Слаўгарадскага і Крычаўскага на Магілёўшчыне.

Як адзначыў старшыня Гомельскага аблвыканкама Генадзь Салавей, будаўніцтва нафтаправода забяспечыць загрузку Мазырскага нафтаперапрацоўчага завода і прынясе істотныя эканамічныя выгады не толькі Гомельшчыне, але і ўсёй краіне.

Намеснік прэм’ер-міністра Юрый Назараў падкрэсліў, што новы трубаправод стане найважнейшым лагістычным звяном, якое звяжа рэзервуарныя паркі двух нафтаперапрацоўчых заводаў-гігантаў на поўдні і поўначы Беларусі і дазволіць стварыць стратэгічны запас сыравіны для краіны.

Увесці аб’ект у эксплуатацыю плануецца восенню 2022 года.

Наталля КАПРЫЛЕНКА

Фота БелТА

Выбар рэдакцыі

Грамадства

У Гродне завяршаецца першы этап рэстаўрацыi Старога замка

У Гродне завяршаецца першы этап рэстаўрацыi Старога замка

Стары замак нiколi не меў завершанага выгляду. Яго неаднаразова аднаўлялi i рэканструявалi, таму яго архiтэктура ўтрымлiвае ў сабе стылi некалькiх эпох.

Грамадства

Непаўналетнiя ў крымiнальным працэсе: практычныя нюансы

Непаўналетнiя ў крымiнальным працэсе: практычныя нюансы

Пра асаблiвасцi абароны правоў дзяцей-правапарушальнiкаў (затрыманне, прымяненне мер стрымлiвання, следчыя дзеяннi) расказалi эксперты падчас аднаго з вэбiнараў, якiя сумесна з Рэспублiканскай калегiяй адвакатаў Дзiцячы фонд ААН (ЮНIСЕФ) у Беларусi арганiзаваў яшчэ летам. 

Грамадства

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Каб паглядзець, што тут рыхтуюць да свята і якімі салодкімі навінкамі збіраюцца здзіўляць беларусаў.