Вы тут

Болей чым 1100 прапаноў былі агучаны на дыялогавых пляцоўках Магілёўшчыны


Яны тычыліся арганізацыйнай рэформы і праблем развіцця краіны. Іх падсумавалі для абмеркавання іх на Усебеларускім народным сходзе з удзелам Прэзідэнта.


Амаль дзве гадзіны спатрэбілася кіраўнікам дыскусійных платформ, каб абагульніць усе тыя пытанні, якія былі агучаны на дыялогавых пляцоўках Магілёўскай вобласці з 13 па 23 кастрычніка. Паступіла болей чым 1100 прапаноў па пытаннях арганізацыйнай рэформы і іншых актуальных праблемах развіцця краіны і рэгіёнаў.

«Людзі ўносілі рознага роду прапановы па пенсійным заканадаўстве, развіцці прадпрыемстваў, разняволенні дзелавой ініцыятывы, падняцці прэстыжу моладзі, па некаторых змяненнях у Канстытуцыю, Законе аб мясцовым кіраванні і самакіраванні Рэспублікі Беларусь — усе тыя жыццёвыя пытанні, якія патрабуюць неадкладнага вырашэння», — адзначыў старшыня Магілёўскага аблвыканкама Леанід Заяц.

Магілёўская вобласць актыўна ўдзельнічала ў абмеркаванні і па выніках іх прыняла агульную рэзалюцыю, каб перадаць гэтыя пытанні і шляхі іх вырашэння для наступнай сістэматызацыі і прыняцця рашэння на Усебеларускім народным сходзе. «Не ўсім у гэтым свеце падабаецца мір і згода ў Беларусі, імкненне праводзіць нейтральную і незалежную дзяржаўную палітыку. Наступствы гэтага мы бачым сёння. Нам хацелі навязаць сцэнар „каляровай“ рэвалюцыі, які б затармазіў наша развіццё на шмат гадоў, але беларусы такі шлях, на шчасце, не прынялі. Разам з тым мы бачым змены ў грамадстве і жаданне грамадзян удзельнічаць у вызначэнні будучыні краіны. У гэтым і ёсць эвалюцыйны шлях развіцця. Але працэс павінен ісці цывілізавана, з улікам меркаванняў усіх сацыяльных груп, з улікам праблем, якія хвалююць», — заявіў кіраўнік вобласці.

Рэктар МДУ імя А. Куляшова Дзяніс Дук, кіраўнік платформы, дзе абмяркоўваліся пытанні канстытуцыйнага рэфармавання і партыйнага будаўніцтва, вылучыў тры асноўныя напрамкі прапаноў.

«Па-першае, гэта ўдасканаленне выбарчай сістэмы, пераход да змяшанага тыпу, па-другое, мараторый на смяротнае пакаранне і ўвядзенне такога інстытута, як упаўнаважаны па правах чалавека, па-трэцяе, механізм прызначэння службовых асоб, у тым ліку судовай сістэмы», — адзначыў Дук. Ён агучыў, што ёсць неабходнасць у рэалізацыі і шэрагу іншых вельмі важных ініцыятыў. Напрыклад, па лібералізацыі заканадаўства ў плане змяншэння ролі кантралюючых органаў у бізнес-асяроддзі, рэальным сектары эканомікі, грамадскай сферы.

На дыскусійнай пляцоўцы былі разгледжаны і абмеркаваны з удзелам экспертаў розныя пытанні эканамічнага блока, пачынаючы ад падрыхтоўкі кадраў для рэальнага сектара эканомікі і ўніверсітэцкай навукі да падтрымкі малога і сярэдняга бізнесу на розных этапах і развіцця буйных прадпрыемстваў.

Усе гэтыя кірункі патрабуюць удасканалення прававых дакументаў у частцы тэхнічных нарматываў, якія існуюць у нашай краіне і якія ў асобных выпадках запавольваюць рэалізацыю буйных і дробных інвестыцыйных праектаў, адзначыў намеснік старшыні Магілёўскага аблвыканкама Раман Страхар. Патрэбна лібералізацыя заканадаўства ў пытаннях падтрымкі малога і сярэдняга  прадпрымальніцтва. «І самае важнае — гэта неабходнасць разняволення дзелавой  ініцыятывы», — падкрэсліў Страхар.

Нэлі ЗІГУЛЯ

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.