ДТЗ здарылася сёння каля 00:50 у Мінску, паведамляе прэс-служба МУС Беларусі.
Кіроўца Volkswagen Polo рухаўся па Ігуменскім тракце з боку вул. Шпілеўскага ў напрамку вул. Лучыны. Паблізу дома № 30 малады чалавек не справіўся з кіраваннем, выехаў за межы праезнай часткі і ўрэзаўся ў асвятляльную мачту.
У выніку аварыі тры чалавекі памерлі: адзін, 2001 года нараджэння, у машыне, яшчэ двое, 2003 года нараджэння, у бальніцы.
На месцы здарэння працавалі супрацоўнікі ДАІ, МНС, следчыя і эксперты.
Прызначаны комплекс экспертыз, устанаўліваюцца ўсе абставіны здарэння, у тым ліку, хто кіраваў транспартным сродкам.
Па дадзеным факце ўзбуджаная крымінальная справа па ч.3 арт.317 (парушэнне правілаў дарожнага руху або эксплуатацыі транспартных сродкаў, што пацягнула па неасцярожнасці смерць двух або больш асоб) Крымінальнага кодэкса Беларусі, паведамляе Следчы камітэт.
Грамадзян, якія валодаюць якімі-небудзь звесткамі пра здарэнне, следчыя просяць звярнуцца ва УСК па г. Мінску па тэлефонах: (8017) 389-55-55 і (8033) 333-67-19.
Фота, відэа: МУС
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.