Ад сакавіка ў Кітаі для выпускнікоў ВНУ было праведзена больш за 200 тысяч анлайн-кірмашоў вакансій, што прыкладна ў 20 разоў больш, чым у афлайн-фармаце, перадае «Жэньмінь жыбаа» анлайн».
Гэта дапамагло Кітаю пераадолець беспрэцэдэнтны выклік у галіне працаўладкавання на фоне эпідэміі COVID-19, паведамілі ў Міністэрстве адукацыі КНР. Кампусны сэрвіс "24365", флагманская анлайн-платформа па наборы на працу, прадаставіў 15,22 млн. адзінак інфармацыі аб вакансіях і зарэгістраваў 37,36 млн. рэзюмэ.
Пры гэтым 6,69 млн. новых выпускнікоў зарэгістраваліся на сайце з моманту яго запуску ў лютым, заявіў афіцыйны прадстаўнік ведамства Ван Хуэй. Разам з гэтым інструкцыі, звязаныя з працаўладкаваннем, былі размешчаны ў інтэрнэце, і больш за 80 тысяч кансультантаў і інструктараў ВНУ, якія маюць багаты вопыт пошуку працы, чакаюць магчымасці дапамагчы палепшыць рэзюмэ студэнтаў або падзяліцца навыкамі сумоўя, адзначыў ён.
Паводле афіцыйных дадзеных, у Кітаі 8,74 млн. студэнтаў скончылі сёлета ВНУ.
Прэв’ю: hr-tv.ru
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
