Вы тут

II Міжнародная канферэнцыя «Навукова-тэхнічны прагрэс у ЖКГ» пройдзе 29-30 кастрычніка


Форум арганізаваны Нацыянальнай акадэміяй навук Беларусі і Міністэрствам жыллёва-камунальнай гаспадаркі нашай краіны. Мэта — абмеркаваць новыя тэндэнцыі ў галіне і ўкараненне перспектыўных тэхналогій. На канферэнцыі будзе разгледжаны комплекс навуковых і навукова-практычных задач, актуальных у сучасных умовах у галіне ЖКГ, якая знаходзіцца на парозе істотнай тэхналагічнай мадэрнізацыі.


Плануецца, што ўдзел у канферэнцыі возьмуць прадстаўнікі НАН Беларусі, міністэрстваў жыллёва-камунальнай гаспадаркі, архітэктуры і будаўніцтва, прыродных рэсурсаў і аховы навакольнага асяроддзя, Дэпартамента па энергаэфектыўнасці Дзяржаўнага камітэта па стандартызацыі Рэспублікі Беларусь, а таксама прадстаўнікі іншых міністэрстваў і ведамстваў з нашай краіны і Расійскай Федэрацыі, работнікі спецыялізаваных беларускіх і замежных арганізацый у сферы ЖКГ.

Канферэнцыя ўключае тры секцыі і чатыры круглыя сталы з выступленнямі па актуальных пытаннях інавацыйнай мадэрнізацыі тэхналогій водазабеспячэння і водаадвядзення, забеспячэння эфектыўнай ачысткі і выкарыстання сцёкавых вод, выкарыстання альтэрнатыўных крыніц энергіі, уключэння цвёрдых камунальных адходаў у гаспадарчы абарот у якасці другаснай сыравіны і памяншэння аб’ёмаў іх утварэння. У цэнтры ўвагі будуць таксама актуальныя праблемы загараднага будаўніцтва, лічбавізацыі працэсаў у сферы жыллёва-камунальнай гаспадаркі.

У рамках канферэнцыі будзе арганізавана выстава інавацыйных распрацовак для сістэмы ЖКГ. Вынікі навуковых дыскусій і тэзісы дакладаў плануецца апублікаваць у выглядзе асобнага зборніка.

Даведка:

I Міжнародная навукова-практычная канферэнцыя «Навукова-тэхнічны прагрэс у жыллёва-камунальнай гаспадарцы» прайшла ў кастрычніку мінулага года. У ёй прынялі ўдзел больш за 200 прадстаўнікоў 96 навуковых, навукова-практычных і навукова-вытворчых арганізацый, міністэрстваў і ведамстваў Рэспублікі Беларусь, Расійскай Федэрацыі і Кітайскай Народнай Рэспублікі.

Надзея НІКАЛАЕВА

Выбар рэдакцыі

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.

Грамадства

Iмплантацыя зубоў: цi ёсць падставы для страху i сумненняў?

Iмплантацыя зубоў: цi ёсць падставы для страху i сумненняў?

Урачы папярэджваюць: нават калi з нейкiх прычын прыйшлося выдалiць адзiн зуб, яму патрэбная замена. 

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Праўду кажуць: няма лесу без ваўка, а сяла без злодзея.

Грамадства

«Лепшы цюнінг для машын — правільны пратэктар шын»

«Лепшы цюнінг для машын — правільны пратэктар шын»

Менавіта пад такім слоганам будзе праводзіцца Рэспубліканская прафілактычная акцыя, якая ініцыяваная на нашых дарогах Дзяржаўтаінспекцыяй краіны.