03 снежня, чацвер

Вы тут

Апошняя хваля бабінага лета


Сіноптыкі падлічылі, што сярэдняя тэмпература кастрычніка сёлета будзе на 3-4 градусы вышэйшая за кліматычную норму.

У апошнія дні другога месяца восені асноўную ролю ў фарміраванні метэаралагічных умоў працягне іграць заходняя ўскраіна антыцыклону з цэнтрам над сярэдняй Волгай. У такой сітуацыі дажджоў варта чакаць па мінімуму, а вось тэмпература будзе відавочна вышэйшая за кліматычную норму, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Сёння ўдзень чакаецца воблачна з праясненнямі і без ападкаў. Сітуацыя ў атмасферы істотна не зменіцца і ў сераду. Наша краіна па-ранейшаму будзе знаходзіцца на заходняй перыферыі антыцыклону з цэнтрам над сярэдняй Волгай. Чакаецца воблачна з праясненнямі, пераважна без ападкаў, толькі ў асобных раёнах па паўночным захадзе магчымыя невялікія кароткачасовыя дажджы. Уначы і раніцай месцамі па краіне могуць згушчацца туманы. Вецер паўднёвы ўмераны. Тэмпература паветра ўначы будзе ад плюс 3 градусаў да 10 цяпла, удзень — плюс 10—17 градусаў.

Бліжэй да чацвярга атмасферны ціск пачне падаць, і з Заходняй Еўропы да тэрыторыі краіны падыдуць малаактыўныя франтальныя раздзелы. Яны прынясуць на тэрыторыю краіны вільготнае паветра. У асобных раёнах пройдуць невялікія кароткачасовыя дажджы. Уначы і раніцай месцамі туман. Уначы чакаецца ад плюс 3 да 9 цяпла, удзень — ад 10 да 16 градусаў вышэй за нуль.

Паводле папярэдніх прагнозаў айчынных сіноптыкаў, з пятніцы да нядзелі характар надвор'я істотна не зменіцца. Аднак стане менш сонца, а таму ў дзённы час стане крыху халадней. Тэмпература паветра ўначы складзе 4—9 цяпла, удзень — ад плюс 7 да плюс 12 градусаў. Месцамі па краіне пройдуць кароткачасовыя дажджы. Уначы і раніцай у асобных раёнах могуць згушчацца слабыя туманы. Па падліках экспертаў, кастрычнік селета стане вельмі цёплым месяцам (на 3-4 градусы цяплей звычайнага). Шчодры аказаўся гэты месяц і на ападкі — месцамі выпала нават дзве месячныя нормы дажджоў.

Сяргей КУРКАЧ

Загаловак у газеце: Апошняя хваля бабінага лета

Выбар рэдакцыі

Грамадства

У Гродне завяршаецца першы этап рэстаўрацыi Старога замка

У Гродне завяршаецца першы этап рэстаўрацыi Старога замка

Стары замак нiколi не меў завершанага выгляду. Яго неаднаразова аднаўлялi i рэканструявалi, таму яго архiтэктура ўтрымлiвае ў сабе стылi некалькiх эпох.

Грамадства

Непаўналетнiя ў крымiнальным працэсе: практычныя нюансы

Непаўналетнiя ў крымiнальным працэсе: практычныя нюансы

Пра асаблiвасцi абароны правоў дзяцей-правапарушальнiкаў (затрыманне, прымяненне мер стрымлiвання, следчыя дзеяннi) расказалi эксперты падчас аднаго з вэбiнараў, якiя сумесна з Рэспублiканскай калегiяй адвакатаў Дзiцячы фонд ААН (ЮНIСЕФ) у Беларусi арганiзаваў яшчэ летам. 

Грамадства

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Каб паглядзець, што тут рыхтуюць да свята і якімі салодкімі навінкамі збіраюцца здзіўляць беларусаў.