Вы тут

У Польшчы праціўнікі забароны абортаў перакрылі дарогі


У Польшчы не сціхаюць пратэсты супраць ўзмацнення жорсткасці заканадаўства ў дачыненні да абортаў, паведамляе БелТА са спасылкай на Deutsche Welle.


26 кастрычніка акцыі ахапілі, па словах арганізатараў з ліку абаронцаў правоў жанчын, каля 150 польскіх гарадоў. У Варшаве пратэстоўцы блакавалі некалькі ажыўленых скрыжаванняў. Польскія СМІ паведамляюць пра тое, што шмат хто з удзельнікаў акцый трымалі плакаты з напісанымі ў абразлівай форме патрабаваннямі да ўрада сысці ў адстаўку. Паліцыя з цяжкасцю не дапусціла сутыкнення гэтай групы з іншымі дэманстрантамі — каб не дапусціць збіванняў, паліцыя ўжыла пярцовы газ.

Мэр Варшавы Рафал Тшаскоўскі заклікаў удзельнікаў дэманстрацый пазбягаць правакацый. «Не дазваляйце свайму гневу падштурхоўваць вас да дзеянняў, якія закранаюць нявінных людзей», — сказаў ён. Таксама Тшасковскі папрасіў дэманстрантаў насіць маскі і дыстанцыявацца, паведамляе Польскае радыё.

«Паліцыя будзе працаваць, каб нейтралізаваць наступствы пратэстаў, палегчыць рух транспарту і арганізаваць аб’язныя дарогі», — заявіў Марыюш Цярка з Галоўнага ўпраўлення паліцыі Польшчы. Ён заклікаў пратэстуючых выконваць указанні паліцыі, выконваць закон.

Па ўсёй краіне ў акцыі пратэсту прынялі ўдзел дзесяткі тысяч чалавек — у аўтамабілях, на веласіпедах або пешшу яны блакавалі рух на дарогах, паведамляе Reuters. У Кракаве пратэсты прайшлі пад лозунгам «Гэта вайна».

22 кастрычніка Канстытуцыйны суд Польшчы прызнаў антыканстытуцыйным закон, які дазваляе правядзенне аборту ў выпадку сур’ёзнай і незваротнай інваліднасці плёну або яго невылечнага захворвання. Вердыкт суда быў сустрэты першымі пратэстамі ў той жа дзень — у Варшаве выйшлі на вуліцы каля тысячы чалавек.

«Рашэнне Канстытуцыйнага суда азначае татальную забарону на аборты, таму што 98% легальных абортаў у Польшчы праводзіцца з-за парокаў развіцця плоду», — заявіла кіраўнік польскай няўрадавай арганізацыі «Федэрацыя жанчын і планавання сям’і» Крысціна Кацпура.

Рашэнне суда вітаў прэзідэнт Польшчы Анджэй Дуда, а таксама вышэйшыя іерархі мясцовай каталіцкай царквы.

Заканадаўства ў дачыненні да абортаў у Польшчы — адно з самых жорсткіх. Перапыніць цяжарнасць дазваляецца толькі ў нешматлікіх выпадках, напрыклад, калі існуе непасрэдная пагроза жыццю самой жанчыны або калі цяжарнасць наступіла ў выніку згвалтавання або інцэста.

Прэв’ю: Reuters

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.