Вы тут

У Барысаўскім раёне ў мінчанкі скралі слупы для плота


У аператыўна-дзяжурную службу Барысаўскага РУУС звярнулася 47-гадовая жыхарка сталіцы. Жанчына паведаміла пра тое, што ў яе з тэрыторыі дачнага ўчастка скралі металічныя канструкцыі для плота. Інцыдэнт адбыўся ў садовым таварыстве «Сонечны», што непадалёк ад вёскі Перасады Барысаўскага раёна.


Апытаўшы мясцовых жыхароў, супрацоўнікі міліцыі ўстанавілі сведак здарэння, пасля чаго абследавалі дваровыя тэрыторыі і пункты прыёму металалому. У выніку праведзеных аператыўных мерапрыемстваў праваахоўнікі ўстанавілі асобы падазраваных. Імі апынуліся 24-гадовы і 25-гадовы непрацуючыя жыхары Смалявіцкага раёна, паведамляе УУС Мінскага аблвыканкама.

Устаноўлена, што прыяцелі мэтанакіравана прыехалі ў Барысаўскі раён з мэтай пошуку металалому для далейшай яго здачы ў ​​нарыхтоўчы пункт. Знайсці шуканае атрымалася досыць хутка: на неабгароджанай дваровай тэрыторыі заяўніцы заўважылі металічныя трубы, загрузілі ў мікрааўтобус і адразу ж паехалі ў пункт прыёму металалому. За крадзенае атрымалі 120 рублёў, якія пасля патрацілі на асабістыя патрэбы.

У дачыненні да затрыманых распачата крымінальная справа па артыкуле 205 Крымінальнага кодэкса Рэспублікі Беларусь. Дарэчы, адзін з хлопцаў раней ужо прыцягваўся да крымінальнай адказнасці за аналагічныя дзеянні.

Сяргей РАСОЛЬКА

Фота з сайта УУС Мінскага аблвыканкама

Выбар рэдакцыі

Грамадства

Якiя нашы звычкi шкодзяць здароўю i знiшчаюць iмунiтэт?

Якiя нашы звычкi шкодзяць здароўю i знiшчаюць iмунiтэт?

Мы ў жыццi шмат чаго робiм, што пагаршае наша здароўе — або адразу, або ў аддаленай перспектыве.

Грамадства

Рэктар Магілёўскага дзяржуніверсітэта Дзянiс Дук: У нас свае асаблiвасцi i шлях развiцця ў сусветнай гiсторыi

Рэктар Магілёўскага дзяржуніверсітэта Дзянiс Дук: У нас свае асаблiвасцi i шлях развiцця ў сусветнай гiсторыi

Тры гады таму Дзянiс Дук пераехаў у Магiлёў, каб узначалiць вядучую ВНУ вобласцi па падрыхтоўцы педагагiчных кадраў.

Эканоміка

Прадукты для эфектыўнай энергіі: аксіяльны ветрагенератар, анодныя зазямляльнікі, керамзітапенабетон, паліўныя брыкеты

Прадукты для эфектыўнай энергіі: аксіяльны ветрагенератар, анодныя зазямляльнікі, керамзітапенабетон, паліўныя брыкеты

Пераможцы шостага конкурсу «Лідар энергаэфектыўнасці — 2020» сёлета ўдзельнічалі ў спаборніцтвах анлайн і гэтак жа атрымлівалі віншаванні.