Вы тут

Ёсць слаўны «Мiг» мiж мiнулым i будучым


Нагадаю пра сакрэт трыццацiгадовай даўнiны. У той час на вулiцах старажытнага гарадка Шчучын можна было сустрэць лётчыкаў, якiя штодзень падымалiся на шматкiламетровую вышыню. Тады пра iх службу ведала абмежаванае кола адказных людзей.


Адзiн з га­рад­скiх пом­нi­каў ле­ген­дар­на­му ба­я­во­му знi­шчаль­нi­ку МіГ.

Школь­нi­кi Дмiт­рый Шы­ян i Кi­рыл Гра­бi­на ў му­зеi авiя­та­раў.

Сёння гэта ўжо не сакрэт, бо тых ваенна-паветраных падраздзяленняў тут даўно няма. Адзiн з тагачасных баявых самалётаў МiГ гараджане захавалi на п'едэстале пры ўездзе ў Шчучын. Як напамiн пра слаўнае авiяцыйнае мiнулае райцэнтра. Дарэчы, у горадзе ёсць яшчэ адзiн помнiк-самалёт, таксама з сямейства МiГаў. Гэта крылатая машына ўпрыгожвае пейзаж каля возера.

Першую ўзлётна-пасадачную паласу пабудавалi недалёка ад горада перад Вялiкай Айчыннай вайной. Пасля вызвалення Беларусi ад нямецка-фашысцкiх захопнiкаў авiяцыйная гаспадарка пашыралася, тут базiравалiся дальнiя бамбардзiроўшчыкi, знiшчальнiкi.

Пра гiсторыю падраздзяленняў паветраных абаронцаў можна даведацца ў мясцовым музеi. У экспазiцыi не толькi апiсанне баявога шляху авiятараў, але i фотаздымкi ветэранаў, iх уласныя рэчы, элементы спецыяльнага абмундзiравання. Асаблiва прыцягвае да сябе музей школьнiкаў — многiя хлапчукi мараць калiсьцi сесцi за штурвалы самалётаў, убачыць свой родны горад са шматкiламетровай вышынi.

Яўген ПЯСЕЦКI, фота аўтара

Выбар рэдакцыі

Эканоміка

За якія парушэнні могуць прыпыніць работу магазінаў?

За якія парушэнні могуць прыпыніць работу магазінаў?

МАРГ час ад часу прыпыняе работу магазінаў.

Грамадства

Еш ананасы, яблыкі жуй! Як падтрымаць імунітэт без аптэчкі?

Еш ананасы, яблыкі жуй! Як падтрымаць імунітэт без аптэчкі?

З авітамінозам у нас прынята змагацца па-старому...