Вы тут

Палата прадстаўнікоў ратыфікавала беларуска-расійскае Пагадненне аб узаемным прызнанні віз


Палата прадстаўнікоў ратыфікавала беларуска-расійскае Пагадненне аб узаемным прызнанні віз.


«Пагадненне было падпісана 19 чэрвеня 2020 года ў Мінску і перш за ўсё накіравана на рэгуляванне міграцыйных працэсаў на тэрыторыі дзяржаў — удзельніц Дагавора аб стварэнні Саюзнай дзяржавы, — пракаментавала дакумент намеснік старшыні Пастаяннай камісіі па міжнародных справах Вольга ПЕТРАШОВА. — Пагадненне вызначае, што замежныя грамадзяне, асобы без грамадзянства атрымаюць права ўязджаць, выязджаць, знаходзіцца, рухацца транзітам па тэрыторыі Беларусі і Расіі на падставе візы адной з дзяржаў або на падставе дакументаў, якія засведчваюць асобу».

У выніку беларуская візавая сістэма атрымлівае права на выдачу віз, якія дзейнічаюць на тэрыторыі Расіі, заўважыла дэпутат.

«Ратыфікацыя Пагаднення будзе садзейнічаць развіццю міжнародных кантактаў, турыстычнага і інвестыцыйнага патэнцыялаў нашай краіны і дэманстраваць адкрытасць нашай дзяржавы для замежных гасцей», — упэўнена парламентарый.

Пагадненне не закранае катэгорыю замежнікаў, якія прыбываюць у нашу краіну праз аэрапорт і маюць права знаходзіцца на яе тэрыторыі 30 дзён без афармлення візы, а таксама маюць права на 15-дзённае безвізавае наведванне тэрыторыі турыстычных раёнаў Брэсцкай і Гродзенскай абласцей. Пра гэта расказаў дэпутатам намеснік міністра замежных спраў Беларусі Яўген ШАСТАКОЎ.

«Відавочна, што замежнікі, якія скарыстаюцца гэтым правам, могуць адпаведна знаходзіцца толькі на тэрыторыі Беларусі альбо адпаведных раёнаў Гродзенскай і Брэсцкай абласцей, калі ў іх адсутнічае беларуская альбо расійская віза, — сказаў ён. — Калі ж такая віза ёсць, яны могуць падчас знаходжання ў нас рухацца і на тэрыторыю Расіі. Уласна кажучы, асаблівы парадак уезду гэта пагадненне не закранае».

Пагадненне ўступіць у сілу праз 30 дзён пасля ратыфікацыі ў абедзвюх дзяржавах. Беларускі бок ратыфікуе першым.

На пытанне дэпутата пра перспектывы поўнага адкрыцця граніцы з Расійскай Федэрацыяй, намеснік міністр замежных спраў Яўген Шастакоў адказаў:

«Перамовы па дадзеным пытанні ідуць пастаянна. Узначальваецца гэты працэс адпаведнымі санітарнымі службамі Беларусі, бо пытанне закрыцця мяжы ляжыць у плоскасці менавіта санэпідэмабстаноўкі. Мы бачым, што і ў Расіі, і ў Беларусі наступіла так званая другая хваля захворванняў на кавід і на сезонныя захворванні: ВРВІ і грып. Мы часткова вырашылі пытанне па паветраных зносінах: цяпер дзейнічаюць шэсць рэйсаў на тыдзень (тры належаць авіякампаніі „Белавія“ і тры — „Аэрафлоту“). Пастаянна прапаноўваем Расійскай Федэрацыі аднавіць чыгуначныя зносіны і ўрэгуляваць пытанні, якія звязаныя з аўтамабільнымі зносінамі».

Па словах Шастакова, расійскі бок падыходзіць у перамовах больш дзейна ў плане прыняцця канкрэтных абмежавальных і забаронных мер, беларускі шукае любую магчымасць вырашыць гэтыя пытанні.

Вольга МЯДЗВЕДЗЕВА

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.