05 снежня, субота

Вы тут

Кубракоў назначаны міністрам унутраных спраў


Іван Кубракоў назначаны міністрам унутраных спраў. Такое кадравае рашэнне прыняў сёння Прэзідэнт Беларусі Аляксандр Лукашэнка, паведамляе БелТА.


Фота БелТА.

Да гэтага часу Іван Кубракоў працаваў начальнікам ГУУС Мінгарвыканкама.

Як адзначыў кіраўнік дзяржавы, ён выбіраў кандыдатуру на пасаду міністра з некалькіх вельмі годных чалавек, але ўсё ж спыніўся на асобе Івана Кубракова дзякуючы яго прафесійнаму досведу і добраму веданню сітуацыі ў Мінску. «Я вывучаў, раіўся і з дзясятка прапанаваных кандыдатур абраў Кубракова. Па-першае, у нас больш-менш складаная сітуацыя ў Мінску, ёю прыйдзецца займацца, ты ў тэме. Вядома, не адзін будзеш займацца, там будзе начальнік ГУУС, якому ты дакладна не будзеш замінаць працаваць, таму што сам толькі што прайшоў гэты ўзровень, — сказаў Прэзідэнт. — З іншага боку, у цябе ўжо вопыт. Калі новаму начальніку ён спатрэбіцца, ты яго перадасі».

Акрамя таго, Іван Кубракоў добра знаёмы з Аляксандрам Барсуковым, які да цяперашняга часу працаваў намеснікам міністра ўнутраных спраў, а сёння прызначаны памочнікам Прэзідэнта па Мінску. «У яго (памочніка па Мінску. — Заўвага. БелТА) задача працаваць у кантакце, не замінаючы нікому. Ты ведаеш, ён дасведчаны, адданы справе чалавек. Складзецца добры такі кулак людзей, якія добра разумеюць адзін аднаго. А Наталля Іванаўна (Качанава. — Заўвага. БЕЛТА), як упаўнаважаны па Мінску, ужо будзе разводзіць, зводзіць», — адзначыў Аляксандр Лукашэнка.

«Задума ў мяне была, каб стварыць сплаў вопыту, адданасці, патрыятызму, таленту. І я вельмі спадзяюся, што ў вас гэтая праца атрымаецца», — падкрэсліў Прэзідэнт.

Выбар рэдакцыі

Грамадства

Мiтрапалiт Веньямiн: Нам усiм неабходна прасiць у Бога мудрасцi i разважлiвасцi

Мiтрапалiт Веньямiн: Нам усiм неабходна прасiць у Бога мудрасцi i разважлiвасцi

Патрыяршы экзарх падзялiўся сваiмi думкамi пра асаблiвасцi i сапраўдную небяспеку сённяшняга часу.

Спорт

16-гадовая тэнiсiстка Дар'я Хамуцянская:  На корце сяброў няма

16-гадовая тэнiсiстка Дар'я Хамуцянская: На корце сяброў няма

У яе планах — стаць лепшай за Арыну Сабаленку.

Грамадства

Міністр ЖКГ Андрэй Хмель: Спажыўца паслугі трэба пачуць і зразумець

Міністр ЖКГ Андрэй Хмель: Спажыўца паслугі трэба пачуць і зразумець

Аб за­крыц­ці па­лі­го­наў, уплы­ве ка­ра­на­ві­ру­са, за­клі­ках да не­пла­ця­жу за ка­му­наль­ныя па­слу­гі і най­блі­жэй­шых перс­пек­ты­вах.