03 снежня, чацвер

Вы тут

Інвестпраект па вытворчасці ўпаковачнай паперы рэалізуюць на Светлагорскім ЦКК да канца 2023 года


Інвестыцыйны праект па вытворчасці ўпаковачнай паперы рэалізуюць на ААТ «Светлагорскі ЦКК» да канца 2023 года, паведамілі БЕЛТА на прадпрыемстве па выніках сустрэчы старшыні канцэрна «Беллеспаперапрам» Міхаіла Касько з працоўным калектывам.


Паводле слоў Мікаіла Касько, за дзевяць месяцаў 2020 года Светлагорскі ЦКК выканаў усе паказчыкі фінансава-гаспадарчай дзейнасці. «Прыраслі па экспарце, паказчыкі энергазберажэння палепшыліся, рэнтабельнасць продажаў і чысты прыбытак павялічыліся», — адзначыў ён. На думку старшыні канцэрна, у прадпрыемства вельмі добры патэнцыял для развіцця. Размова, у прыватнасці, аб стварэнні вытворчасцей, звязаных з паглыбленай перапрацоўкай драўніны.

Адзін з такіх праектаў — будаўніцтва папераробнай машыны для вытворчасці ўпаковачнай паперы магутнасцю 160 тыс. т у год. Цяпер узгадняюцца тэхнічныя і фінансавыя ўмовы кантракта з пастаўшчыком абсталявання — фінскай кампаніяй Valmet. Праект называюць значным не толькі для прадпрыемства і горада, але і для краіны ў цэлым. Мяркуецца, што з паперы, вырабленай на Светлагорскім ЦКК, малы і сярэдні бізнес змогуць вырабляць тару і ўпакоўку для будаўнічых сумесей, цэменту, сухога абястлушчанага малака і іншых тавараў, якія сёння ў вялікай колькасці вырабляюцца ў Беларусі. «Рынак збыту ёсць, будзе новая вытворчасць, будуць працоўныя месцы, падаткі ў бюджэт. Гэта вялікая і добрая перспектыва для вашага прадпрыемства, на вас мы ўскладаем вялікія надзеі, а таму і адказнасць за камбінат павінна быць двайная, калі не трайная», — падкрэсліў Міхаіл Касько.

У ліку важнейшых задач для Светлагорскага ЦКК — выхад у 2021 годзе на стапрацэнтную магутнасць вытворчасці сульфатнай беленай цэлюлозы, што дасць магчымасць выпускаць да 400 тыс. т цэлюлозы ў год (для параўнання: у бягучым годзе гэты паказчык складзе каля 270 тыс. т), а таксама ўвод другой чаргі новага завода па вытворчасці віскознай цэлюлозы.

Выбар рэдакцыі

Грамадства

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Каб паглядзець, што тут рыхтуюць да свята і якімі салодкімі навінкамі збіраюцца здзіўляць беларусаў.

Грамадства

Зберагчы дзяцінства, або як сёння змагаюцца з педафіліяй

Зберагчы дзяцінства, або як сёння змагаюцца з педафіліяй

За дзесяць месяцаў бягучага года супрацоўнікі міліцыі выявілі больш за 600 злачынстваў супраць палавой недатыкальнасці або палавой свабоды непаўналетніх.

Грамадства

Школа — прастора для дыялогу. Чаму на тэму булінгу можна і трэба выказвацца ўслых

Школа — прастора для дыялогу. Чаму на тэму булінгу можна і трэба выказвацца ўслых

Рэспубліканскі цэнтр псіхалагічнай дапамогі падрыхтаваў для педагогаў рэкамендацыі па вырашэнні канфліктных сітуацый.

Грамадства

​Што павiнны зрабiць на прадпрыемствах, каб папярэдзiць распаўсюджванне COVID-19

​Што павiнны зрабiць на прадпрыемствах, каб папярэдзiць распаўсюджванне COVID-19

Мiнiстэрства аховы здароўя распрацавала рэкамендацыi па прафiлактыцы каранавiруснай iнфекцыi ў арганiзацыях.