Вы тут

«Добра, што людзi з горада пацягнулiся да вёскi»


Адзiн усё жыццё ўладкоўвае сваю кватэру, свой дом, сваю сядзiбу. Значыць, гаспадар-чалавек, клапоцiцца, каб добры след на зямлi пасля сябе пакiнуць. А другi не толькi для сябе, але i для грамады, для вёскi альбо вулiцы добрую справу робiць. Такога навакольныя асаблiва цэняць. Ну вось, напрыклад, як Барыса Габца ў маленькай вёсцы Манцы Пружанскага раёна.


Воль­га Гры­цук  ка­ля ве­ка­во­га ду­ба.

У тых Манцах стала пражываюць усяго дзве жанчыны — Валянцiна Манцэвiч i Вольга Грыцук, ну яшчэ два-тры дачнiкi заязджаюць. Дык вось адзiн з iх, Барыс Габец, i зрабiў свой пасiльны ўнёсак у добраўпарадкаванне маляўнiчай пушчанскай вёскi. Узвёў на ўездзе драўляны крыж, дыхтоўны, такi, як некалi ставiлi пушчанцы, каб абазначыць свой населены пункт. Крыж тут асаблiва дапасуецца да аркi, якую ўтвараюць старыя дрэвы.

Барыс Васiлевiч працуе ў Шарашэўскiм ляснiцтве Нацыянальнага парку. Вырас у суседнiм Шарашэве. А ў Манцах купiў старую хацiну. Побач узвёў дачны дом для сваёй сям'i. На жаль, не давялося сустрэцца з iм — у дзень майго прыезду ён знаходзiўся ў далёкiм лясным квартале. А па тэлефоне сказаў, што прывабiлi ў Манцах яго найперш векавыя дубы, якiх тут многа, i незвычайная энергетыка мясцiны, якую гэтыя дубы, хутчэй за ўсё, i ствараюць. Яшчэ параiў пiсаць пра старажылаў, якiя шмат ведаюць.

Драў­ля­ны крыж  на ўез­дзе ў вёс­ку.

Адна з iх, Вольга Грыцук з вялiкай павагай адазвалася пра суседа. Сказала, што менавiта Барыс не даў спiлаваць 200-гадовы дуб, якi расце на яе падворку. Вольга Максiмаўна ўжо i брыгаду выклiкала, каб знесцi дрэва. Ды малады сусед усё ж угаварыў жанчыну пакiнуць дуб, якi пасадзiў яшчэ прадзед яе гаспадара. Дрэва ж перажыло не адну вайну, якiя пракацiлiся па нашай зямлi, выстаяла. «Добра, што людзi з горада пацягнулiся да вёскi, — гаворыць 88-гадовая Вольга Грыцук. — Бо што было б? Пасля нас хоць шыльду з назвай населенага пункта здымай. А так не толькi шыльда, але i крыж стаiць, значыць, жывуць людзi, жыццё працягваецца».

Святлана ЯСКЕВIЧ, фота аўтара

Пружанскi раён

Загаловак у газеце: Жыццё працягваецца

Выбар рэдакцыі

Грамадства

Што мяняецца з 1 снежня

Што мяняецца з 1 снежня

Вырасце памер пенсiй: па ўзросце, за выслугу гадоў, па iнвалiднасцi, з прычыны страты кармiцеля. 

Грамадства

​Што павiнны зрабiць на прадпрыемствах, каб папярэдзiць распаўсюджванне COVID-19

​Што павiнны зрабiць на прадпрыемствах, каб папярэдзiць распаўсюджванне COVID-19

Мiнiстэрства аховы здароўя распрацавала рэкамендацыi па прафiлактыцы каранавiруснай iнфекцыi ў арганiзацыях.

Грамадства

Бонусы для альтруiстаў могуць быць прадугледжаны законам аб валанцёрскай дзейнасцi

Бонусы для альтруiстаў могуць быць прадугледжаны законам аб валанцёрскай дзейнасцi

Пра гэтыя i iншыя прапановы ў законапраект аб валанцёрскай дзейнасцi разважалi эксперты падчас круглага стала.

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава.