Вы тут

Для «Гродна Азота» ёсць рэзерв спецыялістаў, тыя, хто перашкаджае працы, будуць адхіленыя — гендырэктар


Для ААТ «Гродна Азот» сфармаваны рэзерв спецыялістаў, супрацоўнікі, якія перашкаджаюць працы прадпрыемства, будуць адхілены ад выканання абавязкаў. Пра гэта гаворыцца ў заяве генеральнага дырэктара «Гродна Азота» Ігара Бобыра, паведамляе БЕЛТА.


«З улікам сённяшняй сітуацыі было арганізавана фарміраванне рэзерву патрэбных спецыялістаў як для падрыхтоўкі, так і прыцягнення вопытных кадраў з іншых рэгіёнаў і прадпрыемстваў. Ахвотных аказалася нават больш, чым патрабуецца. Прыйшоў час гэты рэзерв задзейнічаць», — сказаў Ігар Бобыр.

«Прынята рашэнне. Хто хоча працягваць працу, той застаецца ў працоўным калектыве. Тыя ж, хто настроены перашкаджаць нармальнаму рэжыму вытворчасці, будуць адхілены ад выканання абавязкаў», — заявіў ён.

Гендырэктар адзначыў, што «завод, які працуе, — гэта не проста эканоміка, але яшчэ і бяспека Гарадзеншчыны і яе суседзяў».

«Насуперак гэтаму група з пару дзесяткаў чалавек, падбухтораныя звонку і якая называе сябе стачкамам, спрабуе “забіць” завод. Вось ужо на працягу трох месяцаў яны не проста шантажуюць, а літаральна тэрарызуюць 10-тысячны калектыў завода, гродзенскі рэгіён і ўсю рэспубліку. Імі бесперапынна прапагандуецца безадказнасць да лёсу прадпрыемства і непрыхаваная агрэсія, у тым ліку і да працоўных, якія не падтрымалі іх намеры спыніць завод», — лічыць Ігар Бобыр.

Ён звярнуў увагу, што патрабаванні да спецыялістаў, якія працуюць на «Гродна Азоце», які з’яўляецца прадпрыемствам бесперапыннага цыкла вытворчасці з высокім узроўнем небяспекі, заўсёды былі строгімі не толькі ў плане кваліфікацыі, але ў плане надзейнасці. «Таму становіцца недапушчальным давяраць лёс завода і рэгіёну работнікам, настроеным на дэмантаж вытворчасці, што разбураюць адносіны ў калектыве, якія падрываюць сістэму адказнасці і якія ставяць пад пагрозу бяспеку рэгіёну», — упэўнены гендырэктар. Ён дадаў, што і «ковідная сітуацыя значна стала ўплываць на абстаноўку».

Прэв’ю: БелТА

Выбар рэдакцыі

Грамадства

Што мяняецца з 1 снежня

Што мяняецца з 1 снежня

Вырасце памер пенсiй: па ўзросце, за выслугу гадоў, па iнвалiднасцi, з прычыны страты кармiцеля. 

Грамадства

​Што павiнны зрабiць на прадпрыемствах, каб папярэдзiць распаўсюджванне COVID-19

​Што павiнны зрабiць на прадпрыемствах, каб папярэдзiць распаўсюджванне COVID-19

Мiнiстэрства аховы здароўя распрацавала рэкамендацыi па прафiлактыцы каранавiруснай iнфекцыi ў арганiзацыях.

Грамадства

Бонусы для альтруiстаў могуць быць прадугледжаны законам аб валанцёрскай дзейнасцi

Бонусы для альтруiстаў могуць быць прадугледжаны законам аб валанцёрскай дзейнасцi

Пра гэтыя i iншыя прапановы ў законапраект аб валанцёрскай дзейнасцi разважалi эксперты падчас круглага стала.

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава.