Вы тут

Першы энергаблок БелАЭС уключылі ў адзіную энергасістэму краіны


Турбагенератар першага энергаблоку атамнай станцыі сёння 3 лістапада ў 12:03 уключылі ў адзіную энергасістэму Беларусі. Пасля сінхранізацыі з сеткай краіны станцыя вырабіла першыя кілават-гадзіны электраэнергіі, якія адправіліся ў аб’яднаную сістэму, паведаміла прэс-служба дзяржкарпарацыі «Расатам».


— Паступленне першых «атамных» кілават-гадзін электраэнергіі ў адзіную энергасістэму Беларусі — гістарычная з’ява, якая знамянуе пачатак атамнай эры. Гэта стала магчымым дзякуючы доўгай і прадуктыўнай рабоце беларускіх і расійскіх спецыялістаў, — заўважыў Аляксей ЛІХАЧОЎ, генеральны дырэктар дзяржкарпарацыі «Расатам». — Да ўводу блока ў прамысловую эксплуатацыю давядзецца выканаць яшчэ шмат работы, аднак ужо сёння можна казаць пра поспех праекта Беларускай АЭС, першай атамнай станцыі пакалення III+, якая створана па расійскім тэхналогіям за межамі Расіі.

Нагадаем, што ўвод першага энергаблока ў прамысловую эксплуатацыю запланаваны на першы квартал 2021-га. 23 кастрычніка Беларуская АЭС і інжынірынгавы дывізіён дзяржкарпарацыі «Расатам» атрымалі ад Міністэрства па надзвычайных сітуацыях дазвол на выкананне работ па этапу энергетычнага пуску, якім прадугледжаны пад’ём магутнасці рэактарнай устаноўкі да 50 % ад намінальнай, уключэнне энергаблока ў адзіную энергасістэму краіны і правядзенне дынамічных выпрабаванняў на ўзроўні магутнасці рэактарнай устаноўкі 50 %. 30 кастрычніка на першым энергаблоку выканалі пробны пуск турбіны, так званы першы штуршок турбіны на магутнасці рэактара 35 %. Турбіну пракруцілі на халастой хадзе і паэтапна павялічылі колькасць абаротаў да праектных — трох тысяч абаротаў за хвіліну. Гэтая працэдура фактычна перадумовіла пачатак вырабу электраэнергіі.

— Праект АЭС-2006, на падставе якога стваралася Беларуская АЭС, — адзін з самых перспектыўных і запатрабаваных на міжнародным атамным рынку. Сёння асноўнымі заказчыкамі атамных станцый з энергаблокамі пакалення III+ з рэактарамі ВВЭР-1200 сталі Фінляндыя, Венгрыя, Турцыя, Бангладэш, Кітай і іншыя краіны, — падкрэсліў Андрэй ПЯТРОЎ, генеральны дырэктар арганізацыі «Канцэрн Расэнергаатам».

У праекце Беларускай АЭС рэалізаваны поўны комплекс тэхнічных рашэнняў, якія дазваляюць забяспечыць бяспеку работы энергаблоку і выключыць выхад радыеактыўных прадуктаў у наваколле нават пры поўнай страце энергазабеспячэння, падкрэсліваюць спецыялісты.

Ірына СІДАРОК

Выбар рэдакцыі

Грамадства

Канфуцый «прапісаўся» ў Мінску. Гутарым з дырэктарам Рэспубліканскага інстытута кітаязнаўства імя Канфуцыя БДУ, былым паслом Беларусі ў Кітаі Анатолем Тозікам

Канфуцый «прапісаўся» ў Мінску. Гутарым з дырэктарам Рэспубліканскага інстытута кітаязнаўства імя Канфуцыя БДУ, былым паслом Беларусі ў Кітаі Анатолем Тозікам

20 студзеня Беларусь і Кітай адзначаюць 29-ю гадавіну ўстанаўлення дыпламатычных адносін паміж нашымі краінамі. 

Грамадства

«Сталінскі праспект мы называлі брадвеем». Як і чым жылі беларускія стылягі

«Сталінскі праспект мы называлі брадвеем». Як і чым жылі беларускія стылягі

Пасля смерці Сталіна «жалезная заслона», якая аддзяляла Савецкі Саюз ад навакольнага свету, прыадчынілася.