Вы тут

Першы з абласных этапаў «Студэнта года» адбыўся на Брэстчыне


У краiне стартуюць абласныя этапы рэспублiканскага конкурсу «Студэнт года — 2020». Першы з iх адбыўся ў Брэсцкай вобласцi, у Баранавiцкiм дзяржаўным унiверсiтэце. Прадстаўляць рэгiён выпаў гонар студэнту Брэсцкага дзяржаўнага ўнiверсiтэта iмя А. С. Пушкiна Уладзiславу Макарэвiчу.


На тытул найлепшага студэнта вобласцi прэтэндавалi чацвёра пераможцаў адборачных унiверсiтэцкiх этапаў — па адным ад кожнага ўнiверсiтэта. За права прадставiць вобласць у рэспублiканскiм фiнале конкурсу змагалiся: студэнтка чацвёртага курса факультэта славянскiх i германскiх моў Баранавiцкага дзяржаўнага ўнiверсiтэта Лiзавета Чамармазовiч, будучы гiсторык з Брэсцкага дзяржунiверсiтэта iмя А. С. Пушкiна Уладзiслаў Макарэвiч, трэцякурснiца эканамiчнага факультэта Брэсцкага дзяржаўнага тэхнiчнага ўнiверсiтэта Дар'я Зiневiч i будучы эканамiст, другакурснiца Палескага дзяржаўнага ўнiверсiтэта Карына Белазомб.

Усе паспяхова вучацца, актыўна ўдзельнiчаюць у грамадскiм жыццi сваiх вышэйшых навучальных устаноў i валодаюць задаткамi лiдараў. Акрамя таго, iм трэба было абаранiць уласныя праекты. Традыцыйныя выпрабаваннi «Будзем знаёмыя», «#ВПрофессии», а таксама iнтэлектуальны i творчы конкурсы дазволiлi маладым людзям праявiць камунiкатыўныя, iнтэлектуальныя здольнасцi i крэатыў.

Далей падключацца астатнiя рэгiёны. Рэспублiканскi фiнальны этап плануецца правесцi ў лiстападзе-снежнi. У iм возьмуць удзел па адным пераможцы ад кожнай з абласцей i чатыры ад Мiнска. У конкурсе спаборнiчаюць студэнты дзённай формы навучання ўстаноў вышэйшай адукацыi. Перавага аддаецца маладым людзям, якiя вядуць актыўнае навуковае, творчае, спартыўнае, грамадскае жыццё i маюць сярэднi бал па вынiках апошнiх двух семестраў не менш як «8».

Для ўдзельнiкаў падрыхтаваны разнастайныя конкурсныя выпрабаваннi. Першае — конкурс-вiзiтоўка. Удзельнiку неабходна прадставiць самога сябе ў любой творчай форме. Тут будуць ацэньвацца ўзровень сцэнiчнай культуры, арыгiнальны падыход, раскрыццё тэмы, артыстызм. Дарэчы, дапускаецца ўдзел групы падтрымкi да шасцi чалавек. Наступны конкурс прамоўнiцкага майстэрства дазволiць прадэманстраваць сваю будучую спецыяльнасць. Студэнтаў таксама чакаюць iнтэлектуальны i творчы конкурсы, конкурс абароны праектаў. А вось конкурс вiдэаролiкаў «Я — студэнт/Унiвер» ацэняць карыстальнiкi iнтэрнэту. Уладальнiкам тытула «Студэнт года ONLINE» становiцца фiналiст, якi набраў найбольшую колькасць галасоў у працэсе анлайн-галасавання.

Сяргей РАСОЛЬКА

Фота з сайта БРСМ

Загаловак у газеце: Выдатнiкi i лiдары

Выбар рэдакцыі

Грамадства

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елкі, вывезеныя на смеццевыя палігоны, падчас гніення выдзяляюць у асяроддзе шкодныя рэчывы не горш за пластык.

Грамадства

Як вайскоўцы на захопленым нямецкім аўтамабілі прарываліся да партызанаў і выратавалі людзей ад расстрэлу

Як вайскоўцы на захопленым нямецкім аўтамабілі прарываліся да партызанаў і выратавалі людзей ад расстрэлу

Наш даўні сябар — жыхар Вялікай Бераставіцы — Міхаіл Маскальчук даслаў нам чарговы цікавы аповед, які быў запісаны са слоў бацькі Міхаіла, Васіля Маскальчука.

Грамадства

Камфортнае жыллё і спрыяльнае асяроддзе. Аднайменная дзяржпраграма дазволіць павысіць якасць камунальных паслуг і наблізіць да Мэты-99

Камфортнае жыллё і спрыяльнае асяроддзе. Аднайменная дзяржпраграма дазволіць павысіць якасць камунальных паслуг і наблізіць да Мэты-99

Днямі аб праекце профільнай дзяржпраграмы журналістам падчас прэс-прэзентацыі расказаў міністр жыллёва-камунальнай гаспадаркі Андрэй Хмель.

Эканоміка

Якія асноўныя паказчыкі і параметры закладвае Магілёўшчына ў сваю рэгіянальную праграму развіцця?

Якія асноўныя паказчыкі і параметры закладвае Магілёўшчына ў сваю рэгіянальную праграму развіцця?

Пра гэта ў нашай гутарцы з намеснікам старшыні Магілёўскага аблвыканкама Русланам Страхаром.