У БДПУ адкрылi малую актавую залу. У яе сценах плануюць праводзiць унiверсiтэцкiя i факультэцкiя мерапрыемствы, а сцэна будзе выкарыстоўвацца як рэпетыцыйная пляцоўка для творчых калектываў ВНУ: народнага лiтаратурнага тэатра «Жывое слова», народнага студэнцкага тэатра «МЫ», танцавальных калектываў, камандаў КВЗ i iншых.
— У нашым унiверсiтэце створаны ўсе ўмовы для развiцця студэнцкай творчасцi, якiя дазваляюць актыўнай i крэатыўнай моладзi рэалiзаваць свае таленты. Сучасны настаўнiк павiнен быць творчай асобай, — падкрэслiў падчас адкрыцця новай пляцоўкi рэктар БДПУ Аляксандр Жук. — Штогод у нас праводзiцца каля паўсотнi буйных унiверсiтэцкiх культурна-масавых мерапрыемстваў: канцэртныя праграмы, святочныя акцыi, маладзёжныя праекты, спектаклi. Сярод традыцыйных — творчы праект да Дня ведаў, праект «Вялiкая сцэна БДПУ», серыя гульняў Лiгi КВЗ БДПУ, святочная праграма да Дня ўнiверсiтэта «Vivаt, АlmаMаtеr!».
Малая актавая зала была ўрачыста «перададзена» ў рукi Студэнцкага савета — арганiзацыi, якая аб'ядноўвае ўсiх студэнтаў БДПУ ў адну дружную сям'ю.
Падчас мерапрыемства на сцэне малой актавай залы выступiлi народныя калектывы i сольныя выканаўцы, а завяршылася яно паказам спектакля «Блондзi», якi прадставiў увазе гасцей народны студэнцкi тэатр «МЫ».
Надзея НIКАЛАЕВА
Фота прэс-службы БДПУ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.