Вы тут

У Брэсцкай вобласці плануецца вылучыць больш за 6 тыс. ложкаў для лячэння пнеўманіі і COVID-19


Пра гэта паведаміў старшыня Брэсцкага аблвыканкама Анатоль ЛІС падчас адкрыцця кабінета ўдарна-хвалевай літатрыпсіі ў Брэсцкай абласной клінічнай бальніцы.


Старшыня аблвыканкама Анатоль Ліс.

— Вясной на піку захваральнасці мы былі гатовыя да таго, каб размясціць у медустановах адначасова 4200 пацыентаў, пры гэтым было максімальна задзейнічана 3500 ложкаў. А цяпер мы можам адвесці больш за 6000 ложкаў. Сёння спецыялісты кажуць, што многім хворым дастаткова аказваць амбулаторнае лячэнне.

Усё, што было створана раней, захавана і паспяхова функцыянуе, падкрэсліў Анатоль Ліс. Каб скараціць затраты ў міжсезонны перыяд, былі вызначаны тры цэнтры, якія займаліся лячэннем кавідных хворых — Брэст, Баранавічы, Пінск. Зараз з ростам выпадкаў інфекцыі давялося зноў адкрываць аддзяленні ў Кобрыне, Бярозе, Лунінцы, Століне. Мы гатовыя аказваць своечасовую дапамогу людзям. У вобласці ёсць 427 апаратаў для штучнай вентыляцыі лёгкіх, 156 наркозна-дыхальных апаратаў, 91 кіслародны канцэнтратар, 1534 пункты рэспіраторнай падтрымкі.

Разам з тым сітуацыя з каранавіруснай інфекцыяй не павінна перашкаджаць лячэнню людзей з іншымі захворваннямі, заўважыў старшыня Брэсцкага аблвыканкама. Таму і ўводзяцца ў строй медыцынскія комплексы кшталту сучаснага кабінета ударна-хвалевай літатрыпсіі.

Пад пакупку новага апарата коштам больш за 450 тысяч еўра ў абласной бальніцы была праведзена рэканструкцыя шэрагу памяшканняў. Работы абышліся бюджэту ў 376 тысяч рублёў.

Лячэнне, якое забяспечвае новая апаратура, спецыялісты называюць эфектыўным і малатраўматычным. Камяні здрабняюцца і выводзяцца без хірургічнага ўмяшальніцтва. Як патлумачыў галоўны ўрач бальніцы Аляксандр КАРПІЦКІ, літатрыптар з’яўляецца цалкам інтэграванай рабочай станцыяй. За кошт унікальнай тэхналогіі факусіроўкі ўдарнай хвалі новае абсталяваннне ў 1,5 раза больш эфектыўнае за папярэдняе. Цяпер пазбавіць чалавека ад камянёў стане магчыма за 1-2 сеансы, раней патрабавалася 2-3 працэдуры. Сёння гэта адзін з самых бяспечных метадаў лячэння мочакаменнай хваробы.

Галоўны ўрач аблбальніцы Аляксандр Карпіцкі і старшыня аблвыканкама Анатоль Ліс.

Святлана ЯСКЕВІЧ

Фота Валерыя КАРАЛЯ

Выбар рэдакцыі

Эканоміка

Якія асноўныя паказчыкі і параметры закладвае Магілёўшчына ў сваю рэгіянальную праграму развіцця?

Якія асноўныя паказчыкі і параметры закладвае Магілёўшчына ў сваю рэгіянальную праграму развіцця?

Пра гэта ў нашай гутарцы з намеснікам старшыні Магілёўскага аблвыканкама Русланам Страхаром.

Эканоміка

Разбіраем інвестпраграму Мінска на бягучы год

Разбіраем інвестпраграму Мінска на бягучы год

Яна ў гэтым годзе на 20 % «таннейшая», чым у папярэднім.

Культура

Бландзінкі за шпільцішам. Карэспандэнт «Звязды» зазірнуў углыб аргана

Бландзінкі за шпільцішам. Карэспандэнт «Звязды» зазірнуў углыб аргана

Прыгажуні-гераіні паралельна — выкладчыцы Віцебскага дзяржаўнага музычнага каледжа імя Салярцінскага.

Грамадства

Як кадравыя агенцтвы падманваюць даверлівых грамадзян

Як кадравыя агенцтвы падманваюць даверлівых грамадзян

Калі ў кадравым агенцтве вам прапануюць заплаціць грошы і гарантуюць стапрацэнтнае працаўладкаванне, смела разварочвайцеся і сыходзьце: перад вамі, напэўна, ашуканцы.