Вы тут

Эвалюцыя айчыннага дойлідства — у гістарычнай рэтраспектыве. Кніжная навінка у «Акадэмкнізе»


Вядучая кнігарня краіны ў чарговы раз уражвае адметнай прэзентацыяй. 10 лістапада ў 17:00 «Акадэмкніга» запрашае на прэзентацыю кнігі вядомага вучонага Алега Анатольевіча ТРУСАВА «Эвалюцыя будаўнічых матэрыялаў і тэхнікі манументальнага дойлідства Беларусі XI–XVIII стст.»


Манаграфія, якая сталася вынікам шматгадовай даследчыцкай працы, — плён навуковай дзейнасці аўтара ў галіне архітэктурнай археалогіі. Алег ТРУСАЎ аналізуе развіццё гісторыі будаўнічай тэхнікі, у тым ліку і гісторыю будаўнічых матэрыялаў беларускага мураванага дойлідства XI–XVIII стст. У выніку гэтага аўтарам вылучаны некалькі этапаў мураванага дойлідства і створана іх перыядызацыя: візантыйскі перыяд (XI–XII стст.); гатычны перыяд (XIII – першая палова XVI ст.); эпоха рэнесансу (сярэдзіна XVI – пачатак XVII ст.); эпоха барока (канец XVI–XVIII ст.).

Асноўны змест грунтоўнага выдання склалі вынікі даследаванняў не толькі беларускіх вучоных, але і іх калег з Расіі і Літвы. У кнізе багатая бібліяграфія. Таксама змешчана рэзюмэ на англійскай, рускай, нямецкай, польскай і літоўскай мовах. Гэтая акалічнасць дазваляе разглядаць яе і як падарунак сябрам, знаёмым з іншых краін свету, як напамін пра тое, наколькі шматаблічная і цікавая сваім дойлідствам наша родная Беларусь.

Аўтар кнігі «Эвалюцыя будаўнічых матэрыялаў і тэхнікі манументальнага дойлідства Беларусі XI–XVIII стст.» перакананы, што выданне будзе карыснае археолагам, рэстаўратарам, архітэктарам, краязнаўцам, гісторыкам архітэктуры, музейным спецыялістам розных узроўняў.

 Нагадваем, што прэзентацыя адбудзецца ў кнігарні «Акадэмічная кніга» 10 лістапада ў 17:00. Усім наведвальнікам, уваход якім дазваляецца строга ў медыцынскіх масках, будзе прадстаўлена магчымасць не толькі набыць кнігу, але і атрымаць аўтограф Алега ТРУСАВА. Да сустрэчы на прэзентацыі ўнікальнага гістарычнага выдання!

Выбар рэдакцыі

Грамадства

Ці патрэбныя бэбі-боксы? Нованароджанае дзіця знайшлі ў выграбнай яме ў Гомелі

Ці патрэбныя бэбі-боксы? Нованароджанае дзіця знайшлі ў выграбнай яме ў Гомелі

У дачыненні да жыхаркі узбуджана крымінальная справа.

У свеце

Блуканне па кілаватах. Чаму Літва загнала Прыбалтыку ў энергетычную яму?

Блуканне па кілаватах. Чаму Літва загнала Прыбалтыку ў энергетычную яму?

Для краін Балтыі ралі цэн на электрычнасць стала ўжо амаль звыклай справай. 

Культура

Дзе Якуб Колас сустрэўся з ваўком і чаму дзядзька Антось быў самотны

Дзе Якуб Колас сустрэўся з ваўком і чаму дзядзька Антось быў самотны

Трэцяга лістапада — дзень нараджэння класіка. 

Грамадства

Амаль кожны дзень на пажарах гінуць людзі. Як не стаць ахвярай агню?

Амаль кожны дзень на пажарах гінуць людзі. Як не стаць ахвярай агню?

З пачаткам ацяпляльнага сезона ў камунальных службаў работы дадаецца ў разы.