Вы тут

Распавядаем пра аграрныя трэнды Гродзеншчыны


Палова плошчы ўсёй тэрыторыi рэгiёна адведзена пад сельскагаспадарчыя палеткi.

І такi падыход апраўданы — аддача ад зямлi вiдавочная. У рэгiёне традыцыйна самая высокая ўраджайнасць збожжавых культур, высокаэфектыўная жывёлагадоўля. Разам з тым вядзецца актыўны пошук новых шляхоў далейшага развiцця. Гаворка iдзе аб распрацоўцы праграмы па павелiчэннi вытворчасцi сельгаспрадукцыi i мадэрнiзацыi перапрацоўчых прадпрыемстваў. Ажыццяўляюць гэтую задачу работнiкi АПК, якiх у рэгiёне працуе амаль 50 тысяч чалавек.


Кожны чацвёрты яблык у краiне расце ў гродзенскiх садах

Большасць садоў у рэгiёне з'яўляюцца iнтэнсiўнымi з паўкарлiкавымi i карлiкавымi яблынямi з высокай шчыльнасцю пасадкi. На гектары расце ад тысячы да 3,5 тысячы дрэў. Такiя тэхналогii дазваляюць у кароткi тэрмiн атрымаць высокi ўраджай, а таварнасць яблыка дасягае 95 %. Многiя гаспадаркi сталi карыстацца кропельным палiвам — спецыяльнай сiстэмай для арашэння садоў, што дазваляе павысiць прадукцыйнасць сада незалежна ад ападкаў.

Дзякуючы сучасным тэхналогiям ураджайнасць яблыкаў у рэгiёне адна з самых высокiх. Тут вырошчваецца 25 % усяго валавога збору краiны. Сёлета плануецца сабраць каля 40 тысяч тон. Рэалiзаваць таварны яблык удаецца без асаблiвых праблем. У большасцi гаспадарак ёсць сучасныя сховiшчы, ёмiстасць якiх звыш 22 тысяч тон. Таму яблык паступае на прылаўкi круглы год. Таксама i за межы краiны яго можна прадаваць ажно да наступнага сезона.


«Пяцiтысячнiк» жыве ў Гродзенскiм раёне. А працуе рэкардсмен па намалоце ў СПК iмя В. I. Крамко

Сёлета камбайнер Андрэй Расенiк першы ў краiне намалацiў больш за 5 тысяч тон зерня. Хлебароб з кожным годам паляпшае свае рэкорды, за яго плячыма каля дваццацi ўборачных кампанiй. Жнiво-2020 стала самым прадукцыйным. Гэтаму спрыяў i добры ўраджай, якi сабралi на палетках адной з самых трывалых гаспадарак рэгiёна. Сёлета ўраджайнасць зерневых у СВК iмя В. I. Крамко перавысiла 90 цэнтнераў з гектара. Дарэчы, такiх высокiх паказчыкаў на жнiве-2020 дасягнулi яшчэ ў СВК «Свiслач» i iмя I. П. Сянько. Усяго ў вобласцi ўдалося намалацiць больш за 1,6 мiльёна тон збожжавых, зернебабовых i кукурузы. Традыцыйна рэгiён займае другое месца ў краіне ў галiне раслiнаводства па вытворчасцi зерня i насення рапсу. I гэта пры тым, што яго тэрыторыя самая малая па плошчы.


 «Лiдахлебапрадукт» першы ў краіне асвоiў выпуск макаронных вырабаў з цвёрдых сартоў пшанiцы

Навiнка прадпрыемства — макароны групы А з цвёрдых сартоў пшанiцы гандлёвай маркi PastaVera. Менавiта з такiх сартоў i робяцца макароны ў Еўропе. У лiдскiх вытворцаў iх кошт значна нiжэйшы чым зарубежныя аналагi. Да таго ж яны выпускаюцца ў кардоннай каробцы з «акенцам», што дазваляе бачыць тавар i спрыяе зручнаму захоўванню. Вытворчая лiнейка ўключае чатыры вiды макарон: «банцiкi», «матылькi», «пяро» i «серпанцiн». Пшанiца закупляецца ў Арэнбургскай вобласцi, а вось муку вырабляе ўласны цэх.

Гатовыя вырабы экспартуюцца ў краiны Еўропы, Азii, Паўднёвай Амерыкi, Афрыкi. Асвоены рынак Катара.


Найлепшую карову Беларусi выгадавалi ў СВК «Свiслач» Гродзенскага раёна

На мiжнароднай выстаўцы «Белагра-2020», якая нядаўна адбылася ў Мiнску, была абрана найлепшая племянная карова малочнай пароды. Ёю стала рагуля галштынскай пароды па мянушцы Аўрора, якую прадставiў на конкурс СВК «Свiслач». Яе найбольшая прадукцыйнасць у перыяд лактацыі склала 14,2 тысячы лiтраў малака пры сярэдняй тлустасцi 3,6 %. За перамогу гаспадарка атрымала галоўны прыз — 35 тысяч рублёў.

Малочны статак гаспадаркi — адзiн з самых прадукцыйных на Гродзеншчыне. Вось ужо сем гадоў свiслацкiя рагулi займаюць прызавыя месцы на конкурсе «Белагра». У сельгаспрадпрыемстве сфармiраваны чыстапародны галштынскi статак, адаптаваны да мясцовых умоў. Дарэчы, жывёлагадоўля — асноўная галiна сельскай гаспадаркi рэгiёна. Удзельная вага мяса-малочнай прадукцыi складае 60 % ад агульнага аб'ёму вытворчасцi.

За апошнiя гады ў рамках дзяржаўных праграм малочная галiна значна мадэрнiзавана. Акцэнт зроблены на стварэнні буйных фермаў, аснашчаных сучасным даiльным абсталяваннем з камп'ютарным кiраваннем. Гэта забяспечвае тэхналагiчнасць працэсаў i высокую прадукцыйнасць жывёл.


У Гродзенскай вобласцi вырошчваецца амаль палова цукровых буракоў краiны

Сыравiна паступае на перапрацоўчыя заводы краiны. Большая частка караняплодаў рэгiёна трапляе на Скiдзельскi цукровы камбiнат. Сёлета тут плануюць перапрацаваць каля 1 мiльёна тон цукровых буракоў i атрымаць 100 тысяч тон цукру.

Нарыхтоўка сыравiны iдзе поўным ходам. Праўда, сёлета складзiраваць вялiкiя аб'ёмы ўраджаю на кагатным полi не плануюць, каб пазбегнуць страт. Таму караняплоды завозяцца з палёў па графiку, i больш 24 тысяч тон не назапашваюць. Адмова ад чыгуначных перавозак буракоў таксама прынесла пэўны эканамiчны эфект.

Самы буйны пастаўшчык сыравiны — Гродзенскi раён. Адсюль паступае каля 40 % буракоў. I ўраджайнасць тут высокая — 700 ц/га. А ўсяго ў зону перапрацоўкi ўваходзяць восем раёнаў вобласцi.


Прадпрыемствы пашыраюць выхад на замежныя рынкi

Як паведамiлi ў аблсельгасхарчы, прадукцыя АПК займае 21 % у структуры агульнага экспарту вобласцi. Геаграфiя паставак даволi вялiкая — амаль 50 краiн свету. Упершыню арганiзаваны пастаўкi ў Афганiстан, Iран, Сiнгапур, Тайланд, ЗША, Швейцарыю. Прадпрыемствамi адкрыты перспектыўны рынак Кiтая. Сёлета ў гэтую краiну экспартавана тавараў амаль на 20 мiльёнаў долараў ЗША, што амаль у тры разы больш, чым летась.

За мiнулы год у Кiтай прададзена прадукцыi на 8,5 мiльёна долараў ЗША. У асноўным гэта сухiя малочныя прадукты, iльновалакно, рапсавае масла.

За восем месяцаў выручка ад рэалiзацыi сельскагаспадарчай прадукцыi павялiчылася амаль на 23 % у параўнаннi з леташняй. А чысты прыбытак склаў амаль 140 мiльёнаў рублёў i павялiчыўся на 44 % да ўзроўню 2019 года.

Многiя вырабы добра ведаюць за мяжой: i цана добрая, i якасць. Высокi попыт на мяса-малочныя прадукты. У iх лiку — масла, сыры, сухая «малочка», сухiя малочныя сумесi для дзiцячага харчавання, каўбасныя вырабы, мясныя кансервы. У сваю чаргу, перапрацоўчыя прадпрыемствы ўкараняюць найноўшыя сучасныя тэхналогii i рэцэптуры, аднаўляюць i пашыраюць асартымент прадукцыi, павялiчваюць выпуск новых вiдаў з палепшанымi спажывецкiмi якасцямi i падоўжаным тэрмiнам захавання.

Маргарыта УШКЕВІЧ

Фота з адкрытых крынiц i Яна Хведчына

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».