Лёля БАГДАНОВІЧ. ДБАЙНАЯ ГАСАПАДЫНЯ

  Пачытайце дзецям

  Лёля БАГДАНОВІЧ

Восень дбайнай гаспадыняй,

Завязаўшы фартушок,

Морс варыла з журавінаў,

Ціснула слівовы сок.

Не губляла марна часу,

Не да гульняў сёння ёй:

Трэба шмат зрабіць запасаў —

Жарты кепскія з зімой.

Насаліла агурочкаў,

Сквасіла капусты бочку,

Насушыла мех грыбоў,

Белых семак з гарбузоў.

Наварыла шмат варэння —

Добрым людзям на здзіўленне —

Літраў сто, а можа, дзвесце...

Зімкай доўгаю ўсё з’есца!

Да паўночы шчыравала.

Што казаць? Зусім прыстала.

Малаком запіўшы грэчку,

Падалася спаць на печку…

г. Барысаў.