Вы тут

У Маскве абмеркавалі праекты Беларусі і Расіі ў галiне ацэнкi якасцi адукацыi


Сумесныя праекты ў галiне ацэнкi якасцi адукацыi абмеркавалi ў Маскве мiнiстр адукацыi Беларусi Iгар Карпенка i мiнiстр асветы Расiйскай Федэрацыi Сяргей Краўцоў.


Як паведамляе прэс-служба Мiнiстэрства адукацыi, Беларусь i Расiя ўжо маюць вопыт супрацоўнiцтва ў галiне ацэнкi якасцi агульнай сярэдняй адукацыi. Так, у 2013 годзе Нацыянальны iнстытут адукацыi сумесна з Нацыянальным фондам падрыхтоўкi кадраў (Расiя) пры падтрымцы Цэнтра мiжнароднага супрацоўнiцтва па развiццi адукацыi правялi даследаванне «Ацэнка iнфармацыйна-камунiкацыйнай кампетэнтнасцi навучэнцаў 9-х класаў у Рэспублiцы Беларусь».

У 2018—2019 гадах наша краiна ўдзельнiчала ў праекце «Лакалiзацыя iнструментарыя ацэнкi вучэбна-прадметных кампетэнцый SAM у Рэспублiцы Беларусь», якi быў нацэлены на вывучэнне ўзроўню сфармiраванасцi прадметных кампетэнцый па матэматыцы ў чацвёртакласнiкаў. Праведзены папярэднiя кансультацыi па працягу супрацоўнiцтва ў рамках праграмы READ-2, пачынаючы з 2021 года. Вядзецца падрыхтоўка другаснага аналiзу вынiкаў мiжнароднага даследавання якасцi адукацыi PISA-2018 пры кансультатыўнай падтрымцы расiйскiх спецыялiстаў. Варта нагадаць, што Беларусь удзельнiчала ў PISA упершыню, у той час як у Расii ўжо назапасiўся цiкавы досвед.

На сустрэчы з Сяргеем Краўцовым Iгар Карпенка падкрэслiў: «Мы зацiкаўлены ў правядзеннi мiжкраiнавых даследаванняў па ацэнцы функцыянальнай адукаванасці навучэнцаў устаноў агульнай сярэдняй адукацыi, а таксама пашырэннi супрацоўнiцтва са спецыялiстамi Расiйскай акадэмii адукацыi, Вышэйшай школы эканомiкi i iншых устаноў для падрыхтоўкi нацыянальных экспертаў у галiне ацэнкi якасцi адукацыi».

Чакаецца, што ў найблiжэйшы час спецыялiсты дзвюх краiн пачнуць распрацоўку навучальнага дапаможнiка па гiсторыi Саюзнай дзяржавы. Сёлета ў кастрычнiку Камiсiя Парламенцкага сходу па сацыяльнай i маладзёжнай палiтыцы, навуцы, культуры i гуманiтарных пытаннях прыняла рашэнне прапанаваць Мiнiстэрству адукацыi Беларусi, Мiнiстэрству навукi i вышэйшай адукацыi i Мiнiстэрству асветы Расii распрацаваць праект навучальнага дапаможнiка па гiсторыi Саюзнай дзяржавы. «З беларускага боку для вырашэння гэтай задачы будзе створаны аўтарскi калектыў у складзе вядучых вучоных-гiсторыкаў НАН Беларусi i ўстаноў вышэйшай адукацыi. Арганiзацыйнае i метадычнае суправаджэнне будуць забяспечваць Нацыянальны iнстытут адукацыi i Рэспублiканскi iнстытут вышэйшай школы», — расказаў Iгар Карпенка.

У рамках вiзiту беларускай дэлегацыi ў Маскву запланавана таксама падпiсанне Пагаднення памiж Мiнiстэрствам адукацыi Рэспублiкi Беларусь i Федэральнай службай па наглядзе ў сферы адукацыi i навукi (Расiя) аб супрацоўнiцтве ў галiне дзяржаўнай акрэдытацыi ўстаноў вышэйшай адукацыi.

А ў сярэдзiне снежня пройдзе сумесная калегiя Мiнiстэрства адукацыi Беларусi, Дзяржаўнага камiтэта па навуцы i тэхналогiях Беларусi, Мiнiстэрства асветы i Мiнiстэрства навукi i вышэйшай адукацыi Расii. «З улiкам значнасцi гэтага пасяджэння для развiцця супрацоўнiцтва прапануем суправадзiць яго такiмi мерапрыемствамi, як правядзенне другога этапу Беларуска-расiйскага маладзёжнага форуму i Форуму рэктараў Асацыяцыi ВНУ Расii i Беларусi», — дадаў Iгар Карпенка.

Надзея НIКАЛАЕВА

Прэв’ю: blog.predanie.ru

Загаловак у газеце: Функцыянальная адукаванасць i падрыхтоўка нацыянальных экспертаў

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.