Вы тут

Амаль 65 млн рублёў склала сума льгот і прэферэнцый


І гэта датычыцца толькі рэалізацыі Указа № 143 «Аб падтрымцы эканомікі» за дзевяць месяцаў бягучага года. Наогул, дакументаў, якія прынятыя на дзяржаўным узроўні і гарантуюць спрыяльныя ўмовы ў вядзенні бізнесу ў перыяд пандэміі, акрамя згаданага, яшчэ чатыры.


Так, асновай падтрымкі рэальнага сектара эканомікі, бюджэтных арганізацый і грамадзян разам з 143-м указам сталі яшчэ ўказы № 141 «Аб уплаце часткі прыбытку (даходу)», № 159 «Аб пераразліку кошту актываў і абавязацельстваў», № 178 «Аб часовых мерах дзяржаўнай падтрымкі наймальнікаў і асобных катэгорый грамадзян» і № 179 «Аб аплаце працы».

Што прадугледжвае гэты комплекс мер па падтрымцы эканомікі? Як паведамілі ў Пастаяннай камісіі Савета Рэспублікі па эканоміцы, бюджэце і фінансах, названыя дакументы гарантуюць растэрміноўку гаспадарчым таварыствам для пераліку дывідэндаў у бюджэт, спісанне курсавых розніц (да 31 снежня 2022 года), неналічэнне амартызацыі асноўных сродкаў і нематэрыяльных актываў, растэрміноўку па аплаце мясцовых падаткаў і збораў. Акрамя таго, прадугледжваецца памяншэнне падатку на нерухомасць, зямельнага падатку, арэнднай платы за зямельныя ўчасткі, памяншэнне ў два (!) разы стаўкі адзінага падатку, выплата субсідый за кошт сродкаў ФСАН для даплат работнікам, якія не працавалі (ці працавалі, але ў рэжыме няпоўнай занятасці) з 1 мая да 1 жніўня.

Асновай падтрымкі, безумоўна, стаў указ № 143, які ўвабраў асноўныя прэферэнцыі і льготы. Па падліках, агучаных у профільнай камісіі, агульная сума падтрымкі за дзевяць сёлетніх месяцаў па гэтым дакуменце склала 64,4 мільёна рублёў. Амаль палова ад гэтай сумы — 30,8 мільёна — адтэрміноўка па аплаце арэнднай платы, якой скарысталіся 7349 суб'ектаў гаспадарання па ўсёй краіне. Наступным па аб'ёме вызваленых сродкаў стала памяншэнне сумы падатку на нерухомасць і зямельнага падатку — 16,1 мільёна агулам на 817 суб'ектаў. Амаль 46 тысяч суб'ектаў гаспадарання скарысталіся магчымасцю паменшыць арэндную плату за зямельныя ўчасткі на агульную суму амаль у 10 мільёнаў рублёў. Адтэрміноўкай і растэрміноўкай па аплаце мясцовых падаткаў скарыстаўся 361 суб'ект на 6,6 мільёна рублёў. І нарэшце, 222 суб'екты паменшылі сваю арэндную плату за зямельныя ўчасткі сумарна на 875 тысяч рублёў.

Цікавы «рэгіянальнае дзяленне» выкарыстання падатковых ільгот і прэферэнцый, прадстаўленых у 143-м указе, якімі скарысталіся 47 279 суб'ектаў на суму 33,6 мільёна рублёў. Самай вялікай па колькасці суб'ектаў стала Брэсцкая вобласць — 9615, але сума аказалася не надта вялікая — крыху больш за тры мільёны. А самая малая колькасць тых, хто далучыўся да такой магчымасці, аказалася ў сталіцы — 275 суб'ектаў. Аднак, нягледзячы на гэты факт, сталіца аказалася лідарам па агульнай суме выкарыстаных магчымасцяў — 14,8 мільёна рублёў.

Маштабы выкарыстання адтэрміноўкі і зніжэння сумы арэнды таксама паказваюць найбольшую актыўнасць мінчан: 2366 суб'ектаў на 16,2 мільёна рублёў.

Вольга АНУФРЫЕВА

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.