16 студзеня, субота

Вы тут

Кухараў даручыў да канца тыдня праверыць стан харчаблокаў мінскіх школ


Старшыня Мінскага гарвыканкама Уладзімір Кухараў сёння ў ходзе аператыўнай нарады паставіў шэраг актуальных задач перад кіраўнікамі адміністрацый раёнаў і кіраўнікамі прадпрыемстваў сталіцы, гаворыцца ў Telegram-канале Мінгарвыканкама.


Адна з галоўных тэм — школьнае харчаванне. Кіраўнік горада запатрабаваў да канца гэтага тыдня праверыць санітарны стан і тэхнічнае абсталяванне харчблокаў ва ўсіх школах горада, адзначыўшы, што пытанні арганізацыі харчавання дзяцей павінны быць на пастаянным кантролі дырэктараў навучальных устаноў. Рацыён школьнікаў павінен адпавядаць меню, якое падлягае абавязковаму ўзгадненню з органамі санітарнага нагляду.

На асаблівы кантроль ўзята выкананне даведзеных Мінску паказчыкаў сацыяльна-эканамічнага развіцця. Камітэту эканомікі даручана выявіць праблемныя аспекты, якія тармозяць працэс, і знайсці шляхі іх рашэння. Пры гэтым асаблівую ўвагу трэба надаць выкананню паказчыка па аб’ёмах будаўніча-мантажных работ і прыцягненню прамых замежных інвестыцый.

Уладзімір Кухараў даручыў не зніжаць кантроль і за выкананнем масачнага рэжыму ў сталіцы: 

— Прынятае Мінскім гарвыканкамам рашэнне павінна выконвацца безумоўна. Кіраўнікі прадпрыемстваў і арганізацый горада нясуць персанальную адказнасць за захаванне масачнага рэжыму на тэрыторыі, узначаленых імі аб’ектаў, — падкрэсліў старшыня Мінгарвыканкама.

Прэв’ю: БЕЛТА

Выбар рэдакцыі

Грамадства

Калі маці як дзіця, або Як пасябраваць з самымі роднымі людзьмі, якія на старасці гадоў сталі асаблівымі

Калі маці як дзіця, або Як пасябраваць з самымі роднымі людзьмі, якія на старасці гадоў сталі асаблівымі

Што рабіць, калі нечакана маці або бацька сталі вельмі настойліва заяўляць пра сябе?

Культура

Слухаць сняжынкі, сачыць за ростам травы. Янка Сіпакоў не любіў тусовак  і лічыў адзіным багаццем кнігі

Слухаць сняжынкі, сачыць за ростам травы. Янка Сіпакоў не любіў тусовак і лічыў адзіным багаццем кнігі

Вось ужо дзесяць гадоў, як пісьменнік Янка Сіпакоў застаўся ў сваіх кнігах — і тых, што падарыў, а найперш, у тых, што напісаў... А споўнілася б яму сёння 85 гадоў.