Вы тут

Адкрылася выстаўка скульптара, работы якога аздабляюць станцыі метро


У Нацыянальным цэнтры сучасных мастацтваў адкрылася выстаўка «Максімалізм». Пад гэтай назвай аб'яднаны работы беларускага скульптара Максіма Петруля. Шырокаму гледачу аўтар вядомы дзякуючы супрацоўніцтву з метрапалітэнам: станцыі «Малінаўка» і «Грушаўка» ўпрыгожаны яго творамі.


Памятаеце на «Грушаўцы» гэтыя знакамітыя металічныя грушы, якія сімвалізуюць сусветнае дрэва? Мала хто пазбегнуў спакусы сфатаграфавацца каля самай вялізнай ігрушы-ствала... На станцыі новай лініі метро «Плошча Францішка Багушэвіча» ёсць скультура Максіма Петруля «Кніга беларуская», вытанчаная, шматсэнсавая кампазіцыя, якая імітуе адначасова кнігу і адчыненыя дзверы, акно і кросны і абыгрывае словы Багушэвіча «Не пакідайце ж мовы нашай беларускай, каб не ўмёрлі». Скульптуры Максіма Петруля вядомыя не толькі ў Беларусі, яны выстаўлены ў кітайскіх гарадах Фучжоў, Куньмін, Чанчунь.

Работы скульптара інтэграваны ў асяроддзе, элементы дэкору станцый метро нясуць не толькі дэкаратыўную, а і рэпрэзентатыўную функцыю. То-бок паўсядзённыя для гарадскога жыхара месцы ўспрымаюцца як альтэрнатыўныя выставачныя прасторы.

На пытанне «Звязды», у чым адметнасць выстаўкі, Максім Пятруль адказаў так:

— Гэта сцвярджэнне вынайдзенага мною новага напрамку ў мастацтве пад назвай «Максімалізм». Яго сутнасць — у тым, каб мінімальнымі сродкамі мастацкай выразнасці прамовіць аб усім, што хачу, пра важныя, глабальныя рэчы. Я бяру геаметрычнае цела або прыродны матэрыял і трансфармую яго ў канцэптуальны знак.

У работах Петруля філасофскія катэгорыі і паняцці набываюць фізічную абалонку, а плаўнасць і непарыўнасць — іх характэрная рыса.

— Для мастака важна эксперыментаваць і ўзаемадзейнічаць з матэрыялам. У чым розніца паміж акадэмізмам і фальклорам? У тым, што народнае мастацтва — гэта свайго роду практыкум работы з матэрыяламі: з ніткамі, саломай, лазой. Гэта не традыцыйнае маляванне графітам на паперы. Я ўпэўнены ў тым, што менавіта трансфармацыя народнай культуры ў мастацкі авангард — тое, што найбольш арганічнае для беларусаў. Гэта абумоўлена і нашай генетычнай памяццю, і нашымі традыцыямі.

Наведаць выстаўку можна будзе да 6 снежня ўключна.

Арына КАРПОВІЧ

Загаловак у газеце: Трансфармацыя народнай культуры ў мастацкі авангард

Выбар рэдакцыі

Грамадства

Як кадравыя агенцтвы падманваюць даверлівых грамадзян

Як кадравыя агенцтвы падманваюць даверлівых грамадзян

Калі ў кадравым агенцтве вам прапануюць заплаціць грошы і гарантуюць стапрацэнтнае працаўладкаванне, смела разварочвайцеся і сыходзьце: перад вамі, напэўна, ашуканцы.

Грамадства

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

У адрозненне ад «хімічных антыбіётыкаў», прыродныя лекі не толькі дапамагаюць перамагчы інфекцыю, але і ўмацоўваюць ахоўныя ўласцівасці арганізма.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.