Вы тут

Што чытаць дзецям і падлеткам?


27 лістапада ў культурным цэнтры «Корпус» (Мінск, праспект Машэрава, 9) пачне сваю работу фестываль падлеткавай і youg adult-кнігі «Y.A.» («Я»). Інціыятыва належыць аб'яднанню «Pradmova» і грамадскаму праекту «За Чтение». Сярод партнёраў фестывалю — «Литературный клуб РомашЬка», культурны цэнтр «Корпус», Цэнтр беларускай драматургіі і іншыя.


З просьбай пракаментаваць праграму фестывалю мы звярнуліся да арганізатараў. Дарэчы, яны падкрэсліваюць, што ўваход будзе вольны. Праўда, на некаторыя мерапрыемствы варта папярэдне запісацца, бо дзеля забеспячэння санітарна-эпідэміялагічнага рэжыму колькасць месцаў абмежаваная.

27 лістапада (пятніца) а 14.30 у зоне А пройдзе лекцыя Мікіты Моніча, прысвечаная гісторыі мастацтва, кнігам пра мастацтва. Нагадаем, што Мікіта Моніч — арыенталіст і экскурсавод і сустрэча з ім абяцае быць на дзіва цікавай. А ў зоне В а 15.00 наведвальнікаў фестывалю чакае інтэрактыўная віктарына на веданне творчасці класіка беларускай літаратуры ад «Вандроўнага фэста Уладзіміра Караткевіча» (16+). У зоне С з 15.00 да 19.00 пройдзе майстар-клас па стварэнні пластылінавага мультфільма па кнізе Л. Леоні «Пецэтына» ад Студыі дзіцячай мультыплікацыі «Энфіс» (12+). Удзельнікі паспрабуюць сябе ў анімацыйнай тэхніцы «пластылінавай перакладкі» (нагадаем, што ў гэтай тэхніцы калісьці здымалі знакамітую «Пластылінавую варону»). Кожны адчуе сябе сапраўдным мультыплікатарам, бо прыдуманы і створаны ім персанаж ажыве на мультстанку. Вядучыя — заснавальніца студыі, аўтар казак, педагог-мультыплікатар Наталля Кулібава, мастачка, педагог-мультыплікатар Вікторыя Хоміч.

А 16.00 у зоне А — «Сярдзітая моладзь: разбор сучаснага фэнтэзі. «Кніга Здольных» С. Аўдзейчык, «Арнаменты» А. Длатоўскай, «Вараціш-гара» М. Латышкевіч. Мадэратарам мерапрыемства выступіць Іван Бачук. А тым часам у зоне B пройдзе супергульня па кнізе Святланы Лаўровай «Трылабіты не вінаватыя». Яе правядуць сапраўдныя магі чытання — магістранты праграмы «Праектаванне праграм у сферы чытання дзяцей і моладзі» МДПУ (Расія). Удзельнікі гэтай імпрэзы (13+) змогуць паразважаць пра шпіёнскі дэтэктыў для дзяцей, хітра схаваны ў гісторыю эвалюцыі, або пра гісторыю эвалюцыі, хітра схаваную ў шпіёнскі дэтэктыў.

І гэта — толькі частка з праграмы фестывалю, які пройдзе з 27 да 28 лістапада. Яшчэ наведвальнікаў чакаюць сустрэчы з п'есай Аляксея Макейчыка «Сорам» (будзе арганізавана чытка Цэнтрам беларускай драматургіі, які стала працуе пры Рэспубліканскім тэатры беларускай драматургіі), спектаклем па матывах кнігі Сары Лундберг «Птушка ўва мне ляціць, куды захоча» (гэты праект прадстаўляе тэатр лялек, святла і ценю «Дом Сонца»), прэзентацыя кнігі Марыі Касцюковіч «Дзіцячы сеанс» (дарэчы, згаданая кніга — першы ў краіне буйны нон-фікшн пра ўсю гісторыю беларускага дзіцячага кіно) і іншыя цікавінкі.

Сяргей ШЫЧКО

Прэв:ю: news.noteru.com

Выбар рэдакцыі

Грамадства

Чаму ў старасці псуецца характар, з'яўляюцца бяссонніца і трывожнасць

Чаму ў старасці псуецца характар, з'яўляюцца бяссонніца і трывожнасць

Аб праблемах старэння і тым, як заўважыць і, магчыма, прадухіліць розныя псіхалагічныя захворванні ў пажылых, мы паразмаўлялі з урачом-псіхатэрапеўтам Гарадскога клінічнага псіхіятрычнага дыспансера Марынай Шчаслянок.

Грамадства

«Беларусь у маіх вачах». Блогер Паліна Амяльянчык выбірае малавядомыя маршруты для падарожжаў і адкрывае нечакана цікавыя факты з гісторыі роднага краю

«Беларусь у маіх вачах». Блогер Паліна Амяльянчык выбірае малавядомыя маршруты для падарожжаў і адкрывае нечакана цікавыя факты з гісторыі роднага краю

Акрамя фотаздымкаў храмаў і руін былых сядзіб, практычна кожны пост Паліны суправаджаецца яркімі біяграфіямі землякоў. 

Грамадства

Канфуцый «прапісаўся» ў Мінску. Гутарым з дырэктарам Рэспубліканскага інстытута кітаязнаўства імя Канфуцыя БДУ, былым паслом Беларусі ў Кітаі Анатолем Тозікам

Канфуцый «прапісаўся» ў Мінску. Гутарым з дырэктарам Рэспубліканскага інстытута кітаязнаўства імя Канфуцыя БДУ, былым паслом Беларусі ў Кітаі Анатолем Тозікам

20 студзеня Беларусь і Кітай адзначаюць 29-ю гадавіну ўстанаўлення дыпламатычных адносін паміж нашымі краінамі.