Вы тут

Экспарт сельгаспрадукцыі ў студзені—кастрычніку вырас да 4,5 млрд долараў


Больш чым на 6 % выраслі продажы сельгаспрадукцыі і прадуктаў харчавання за дзесяць месяцаў гэтага года ў параўнанні з аналагічным перыядам 2019 года і склалі амаль 4,5 млрд долараў. Пра гэта паведаміў намеснік міністра сельскай гаспадаркі і харчавання Ігар Брыло.


Асноўныя пазіцыі — малочная прадукцыя і мясапрадукты — сёлета былі прададзеныя за мяжу на суму каля 1,8 млрд долараў (тэмп росту 105,7 % да ўзроўню мінулага года), а таксама мяса і мясапрадукты — на суму каля 740 млн долараў (112 %).

Экспарт прадукцыі раслінаводства склаў у аб'ёме больш за 360 млн долараў. Найбольш экспартна арыентаваная прадукцыя — свежая гародніна (44,5 % ад агульнага аб'ёму экспарту прадукцыі раслінаводства), плады і ягады — каля 30 %, бульба — амаль 8 %, ільновалакно — каля 4 %. Геаграфія экспарту прадукцыі раслінаводства налічвае 39 краін. Найбольш аб'ёмныя пастаўкі традыцыйна прыпадаюць на Расію, Украіну, Малдову, Казахстан і краіны Еўрапейскага Саюза (Германія, Літва, Польшча, Францыя).

Паводле слоў намесніка міністра, геаграфія экспарту айчыннай прадукцыі пашырылася да 105 краін. Засвоены 21 новы рынак. У іх ліку — краіны Азіі (Бангладэш, Бахрэйн, Індыя, М'янма, Шры-Ланка), Афрыкі (Ангола, Гвінея, Джыбуці, Ліберыя, Мадагаскар, Малі, Марока, Нігер, Сьера-Леонэ), Амерыкі і Карыбскага басейна (Беліз, Парагвай, Уругвай), Еўрапейскага Саюза (Кіпр, Люксембург, Фінляндыя, Харватыя).

Доля Расіі ў агульным аб'ёме экспарту беларускага харчавання зменшылася за год адразу на 23 %, але ўсё яшчэ складае львіную долю — больш за 74,5 % (у 2019 годзе — 97,6 %).

Спецыяліст адзначыў, што сёлета ўдалося павялічыць вытворчасць прадуктаў харчавання ў розным асартыменце. Выручка ад рэалізацыі прадукцыі за студзень—кастрычнік вышэй за адпаведны перыяд мінулага года на 15,5 %. Забяспечаны станоўчы фінансавы вынік: рост прыбытку ад рэалізацыі склаў 25,3 %, рэнтабельнасць продажаў склалася на ўзроўні 5,7 % (на 0,4 % вышэй за ўзровень мінулага года).

Ігар Брыло таксама адзначыў, што Кітай разглядаецца намі як досыць перспектыўны і важны рынак. З кожным годам у гэты рэгіён павялічваюцца пастаўкі нашых тавараў. За дзесяць месяцаў мы экспартавалі ў КНР рэкордную колькасць прадукцыі — на суму крыху меншую за 200 млн долараў (рост у 2,3 раза). За апошнія гады сертыфікавана 98 прадпрыемстваў для паставак у Кітай.

Сяргей КУРКАЧ

Прэв’ю: argumenti.ru

Загаловак у газеце: Асноўныя пазіцыі — малако і мяса

Выбар рэдакцыі

Грамадства

Як кадравыя агенцтвы падманваюць даверлівых грамадзян

Як кадравыя агенцтвы падманваюць даверлівых грамадзян

Калі ў кадравым агенцтве вам прапануюць заплаціць грошы і гарантуюць стапрацэнтнае працаўладкаванне, смела разварочвайцеся і сыходзьце: перад вамі, напэўна, ашуканцы.

Грамадства

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

У адрозненне ад «хімічных антыбіётыкаў», прыродныя лекі не толькі дапамагаюць перамагчы інфекцыю, але і ўмацоўваюць ахоўныя ўласцівасці арганізма.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.