Рэгіянальныя ўлады павінны больш удзельнічаць у фінансавай падтрымцы СМІ, заявіў журналістам першы намеснік міністра інфармацыі Павел Лёгкі, паведамляе БЕЛТА.
«Удзел рэгіянальных уладаў у фінансавай падтрымцы сваіх сродкаў масавай інфармацыі — гэта хутчэй рэдкасць і выключэнне з правілаў, чым стабільная інфармацыйная палітыка. Я хачу нагадаць нашым паважаным рэгіянальным кіраўнікам, што ва ўказе № 192 вызначаны магчымасці па падтрымцы друкаваных выданняў. Можна заключаць з імі дагаворы і на гэтай аснове дапамагаць», - падкрэсліў Павел Лёгкі.
Сёння шмат кажуць аб новым фармаце або нават функцыянале рэгіянальных СМІ.
«Да гэтага нас падштурхоўвае у тым ліку эканамічная сітуацыя. Мы бачым, што скарачаюцца тыражы друкаваных выданняў, у першую чаргу раённых. Падзенне ў сярэднім складае каля 4-5% у год. На жаль, гэта стала тэндэнцыяй. І гэта падштурхоўвае выдання да пошуку крыніц фінансавання», - адзначыў першы намеснік міністра.
Паводле яго слоў, выданням неабходна шукаць новыя фарматы заробку. «І гэта нармальна. Такі характар носіць не толькі беларускі медыйны рынак, гэта глабальная тэндэнцыя. Тыя выданні, якія працавалі раней і зараблялі на паперы, вымушаныя шукаць магчымасці ў інтэрнэце. Найбуйнейшыя сусветныя выданні актыўна пераходзяць на падпісную мадэль фінансавання праз электронную падпіску», - дадаў Павел Лёгкі.
Прэв’ю: Grantist.com
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».