Вы тут

Стартуе рэспубліканская прафілактычная акцыя «Зімовы цюнінг для машын — правільны пратэктар шын!»


Стартуе рэспубліканская прафілактычная акцыя «Зімовы цюнінг для машын — правільны пратэктар шын!» Яна пачынаецца 25 лістапада. Мерапрыемствы працягнуцца да 4 снежня.


У гэты перыяд супрацоўнікі Дзяржаўтаінспекцыі правераць, як кіроўцы падрыхтавалі свае аўто да эксплуатацыі зімой. Акрамя таго, прадстаўнікі дарожнай міліцыі правядуць маніторынг стану праезнай часткі, утрымання вуліц і дарог у бяспечным для дарожнага руху стане, выступяць з прафілактычнымі гутаркамі ў працоўных калектывах.

— Як паказвае статыстыка, у зімовы перыяд колькасць дарожна-транспартных здарэнняў узрастае ў разы. Прычынай таму — дрэнная бачнасць і нездавальняючы стан праезнай часткі. Непагадзь, мокры асфальт, бруд ствараюць неспрыяльную дарожную абстаноўку. У такое надвор’е пагаршаецца счапленне аўтамабільных шын з дарожным пакрыццём і тармазны шлях аўтамабіля павялічваецца. І нават нязначнае перавышэнне хуткасці можа прывесці да сур’ёзнага ДТЗ, — кажа старшы інспектар па агітацыі і прапагандзе аддзела ДАІ Партызанскага РУУС сталіцы Таццяна Спадабаева.

У сувязі з надыходам першых замаразкаў Дзяржаўтаінспекцыя рэкамендуе ўсім кіроўцам звярнуць увагу на тэхнічны стан сваіх аўтамабіляў. Неабходна праверыць спраўнасць тармазной сістэмы, светлавых прыбораў, шклоачышчальнікаў, прылад абагравання і абдзімання шкла. Акрамя таго, аўтааматары павінны замяніць летнюю гуму на зімовую.

Дзяржаўтаінспекцыя нагадвае, што, згодна з дзеючым заканадаўствам, прадугледжваецца абавязковае выкарыстанне з 1 снежня па 1 сакавіка зімовых шын на аўтамабілях з тэхнічна дапушчальнай агульнай масай да 3,5 т, легкавых і грузапасажырскіх аўтамабілях масай звыш 3,5 т, а таксама аўтобусах масай да 5 т. Зімовыя шыны ўстанаўліваюцца на ўсіх колах транспартнага сродку. Покрышкі, прызначаныя для эксплуатацыі на абледзянелым ці заснежаным дарожным пакрыцці, павінны быць пазначаныя маркіраваных знакам у выглядзе горнай вяршыні з трыма пікамі і сняжынкай ўнутры яе альбо знакамі «М+S», «М&S», «МS» або «All Seasons».

За несвоечасовае абсталяванне транспартных сродкаў зімовымі шынамі прадугледжана адміністрацыйная адказнасць у выглядзе папярэджання або штрафу да 0,5 базавай велічыні.

Сяргей РАСОЛЬКА

Выбар рэдакцыі

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.

Грамадства

Алена Богдан: Любы рух павінен быць паступальным, а не разбуральным

Алена Богдан: Любы рух павінен быць паступальным, а не разбуральным

Яна расказала чытачам «Звязды», ці плануе Беларускі саюз жанчын стаць першай жаночай палітычнай партыяй у краіне і як гэта — сумяшчаць работу ў дзяржапараце з актыўнай грамадскай дзейнасцю.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Хітра ўладкавана чалавечая памяць. Бывае, нешта ўбачыў-пачуў, а што — хоць забі — назаўтра не ўспомніш, а нешта — якраз наадварот — «ляжыць» там гадамі ці нават дзесяцігоддзямі і ўспамінаецца досыць часта...

Грамадства

Чаму ў старасці псуецца характар, з'яўляюцца бяссонніца і трывожнасць

Чаму ў старасці псуецца характар, з'яўляюцца бяссонніца і трывожнасць

Аб праблемах старэння і тым, як заўважыць і, магчыма, прадухіліць розныя псіхалагічныя захворванні ў пажылых, мы паразмаўлялі з урачом-псіхатэрапеўтам Гарадскога клінічнага псіхіятрычнага дыспансера Марынай Шчаслянок.