Вы тут

Час культуры


Сёння фотамайстар Юрый Iваноў працуе ў Беларускiм дзяржаўным унiверсiтэце культуры i мастацтваў на пасадзе спецыялiста па сувязях з грамадскасцю. Месца работы абавязвае здымаць хронiку жыццядзейнасцi аўтарытэтнай ВНУ краiны. Ды перад любымi абавязкамi — талент, гарэнне тымi справамi, якiмi жыве беларуская нацыянальная культура, расквечаная многiмi i многiмi дасягненнямi менавiта студэнтаў, выкладчыкаў, выпускнiкоў унiверсiтэта культуры i мастацтваў... I так атрымалася, што за гады дзейнасцi ў студэнцкiм, прафесарскiм асяроддзi Юрый Сяргеевiч разгледзеў, вылучыў — рэльефна, вобразна — многiя з'явы культуры ўсёй нашай краiны. Вядома ж, у рабоце майстру спрыяе i тое, што сам па сабе ўнiверсiтэт заўжды быў i застаецца скарбнiцай высокiх творчых здзяйсненняў.


Юрый Iваноў, i гэта вiдавочна, перакананы ў тым, што i паказ «Каляднай варажбы», i творчая сустрэча ў мастацкай галерэi «Унiверсiтэт культуры» з народным артыстам СССР i народным артыстам Рэспублiкi Беларусь, славутым харэографам Валянцiнам Елiзар'евым, i выступленнi капэлы беларускiх народных духавых iнструментаў «Гуды», хору «Дабравест», фальклорнага ансамбля «Грамнiцы» — усё гэта партрэт сённяшняй беларускай культуры. Калi гартаеш альбом фотамастака менавiта пра ўнiверсiтэт культуры (тут у пэўнай ступенi — толькi вобраз, бо такога альбома як асобнага кнiжнага, мастацкага выдання яшчэ няма), разумееш, што зрабiць такiя здымкi iх аўтару дапамагае вялiкая любоў. Не толькi да сваёй прафесii, сваёй уласнай творчасцi, але найперш — любоў да людзей, якiя становяцца героямi яго ўнiкальных iлюстрацый часу. I часу культуры — таксама.

Мiкола РАЎНАПОЛЬСКІ

Фота Юрыя ІВАНОВА

Выбар рэдакцыі

Грамадства

Канфуцый «прапісаўся» ў Мінску. Гутарым з дырэктарам Рэспубліканскага інстытута кітаязнаўства імя Канфуцыя БДУ, былым паслом Беларусі ў Кітаі Анатолем Тозікам

Канфуцый «прапісаўся» ў Мінску. Гутарым з дырэктарам Рэспубліканскага інстытута кітаязнаўства імя Канфуцыя БДУ, былым паслом Беларусі ў Кітаі Анатолем Тозікам

20 студзеня Беларусь і Кітай адзначаюць 29-ю гадавіну ўстанаўлення дыпламатычных адносін паміж нашымі краінамі. 

Грамадства

«Сталінскі праспект мы называлі брадвеем». Як і чым жылі беларускія стылягі

«Сталінскі праспект мы называлі брадвеем». Як і чым жылі беларускія стылягі

Пасля смерці Сталіна «жалезная заслона», якая аддзяляла Савецкі Саюз ад навакольнага свету, прыадчынілася.