Здарэнне адбылося ў 17 гадзін 24 лістапада ў Веткаўскім раёне. 41-гадовы асуджаны, пагражаючы нажом супрацоўніку папраўчай установы, збег з тэрыторыі сельгаспрадпрыемства, дзе ён працаваў, паведамілі ў тэлеграм-канале МУС.
Асабісты склад калоніі і Веткаўскага РАУС быў узняты па трывозе, на тэрыторыі бліжэйшых раёнаў і ў Гомелі уводзіўся спецплан па пошуку злачынца. На затрыманне мужчыны арыентаваліся ўсе дзяжурныянарады вобласці.
Каля 22 гадзін міліцыянеры затрымалі асуджанага на вуліцы ў вёсцы Залаты Рог. У яго знайшлі нож.
Следчыя далі прававую ацэнку дзеянням мужчыны і распачалі крымінальную справу за ўцёкі з пагрозай прымянення гвалту з папраўчай установы, якая выконвае пакаранне ў выглядзе пазбаўлення волі. Падчас расследавання трэба будзе высветліць, як нож апынуўся ў асуджанага.
Падазраваны родам з Магілёўскай вобласці, у 2013 годзе за ўчыненне забойства яго прысудзілі да 9,5 год пазбаўлення волі. З 2019 года ў сувязі са змякчэннем рэжыму фігурант адбываў пакаранне ў папраўчай калоніі-пасяленні ў Веткаўскім раёне і працаваў у адным з мясцовых гаспадарак.
Прэв’ю: news.myseldon.com
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
