Вы тут

Кожны студэнт і работнік БНТУ можа пакінуць пасланне ў капсуле часу


Сёння ў галоўным корпусе Беларускага нацыянальнага тэхнічнага ўніверсітэта ўстанавілі капсулу часу. Кожны студэнт і работнік ВНУ можа пакінуць сваё пасланне для нашчадкаў, якія будуць вучыцца або працаваць у БНТУ праз 50 гадоў.


Да стагоддзя Беларускага нацыянальнага тэхнічнага ўніверсітэта засталося крыху больш за два тыдні. Юбілейныя мерапрыемствы распачнуцца 7 снежня і працягнуцца пяць дзён.

У першы дзень адбудзецца адкрыццё імянных лабараторый і кафедраў. Таксама пачнуць працу сем выстаў: выстава кітайскай культуры; выстава дасягненняў Навукова-тэхналагічнага парку БНТУ «Палітэхнік»; выстава «Савецкі інжынер — Весцi БНТУ»; выстава творчых работ студэнтаў; выстава работ каледжаў; выстава вучэбных і вучэбна-метадычных выданняў; выстава навуковых дасягненняў. Месца правядзення — галоўны корпус БНТУ.

8 снежня адбудзецца ўрачыстае адкрыццё Дошкі гонару і скульптурнай групы «Студэнты БНТУ». 9 снежня можна наведаць адкрыццё выставы інавацыйнай прадукцыі прадпрыемстваў-заказчыкаў кадраў і скульптурнай кампазіцыі «Крышталь Ведаў» (закладка капсулы часу). Таксама ў гэты дзень фінішуе эстафета юбілейнага агню, якая стартавала 1 верасня. А 10 снежня, у афіцыйны дзень нараджэння БНТУ, пройдзе ўрачысты сход працоўнага калектыву, прыём рэктарам дэлегацый, а таксама пашыранае пасяджэнне Савета БНТУ. Увечары адбудзецца святочны салют. 11 снежня ў 17:00 распачнецца студэнцкі фестываль.

Ва ўмовах пандэміі святочную праграму давялося аптымізаваць і частку маштабных мерапрыемстваў для студэнтаў плануецца правесці ў наступным годзе.

Надзея НІКАЛАЕВА

Выбар рэдакцыі

Грамадства

Беларускі Чырвоны Крыж працягвае аказваць дапамогу падчас пандэміі і іншых надзвычайных сітуацый

Беларускі Чырвоны Крыж працягвае аказваць дапамогу падчас пандэміі і іншых надзвычайных сітуацый

Каля мільёна чалавек атрымала падтрымку ў выглядзе прадуктовых набораў, ваўчараў, якія можна было «атаварыць», грашовых сродкаў, дастаўкі прадуктаў на дом, а таксама простай размовы па тэлефоне «гарачай лініі» са спецыялістам.

Грамадства

Матывацыя праз гейміфікацыю, або як працуюць механізмы гульні ў адукацыі

Матывацыя праз гейміфікацыю, або як працуюць механізмы гульні ў адукацыі

Вядома, што гульня здольная захапіць усю ўвагу чалавека і не адпускаць яе доўгі час.

Культура

Падмурак Трэцяга Рэнесансу закладваецца ва Узбекістане

Падмурак Трэцяга Рэнесансу закладваецца ва Узбекістане

У Ташкенце прайшлі Тыдзень культурнай спадчыны Узбекістана і ІV Міжнародны кангрэс Сусветнага таварыства па вывучэнні, захаванні і папулярызацыі культурнай спадчыны Узбекістана «Культурная спадчына Узбекістана — падмурак новага Рэнесансу».

Грамадства

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елкі, вывезеныя на смеццевыя палігоны, падчас гніення выдзяляюць у асяроддзе шкодныя рэчывы не горш за пластык.