Вы тут

ПРААН запускае адукацыйны праект па падтрымцы беларускага бізнесу ў час COVID-19


Праграма развіцця ААН рэалізуе бясплатны адукацыйны праект для падтрымкі беларускага бізнесу ў час COVID-19, паведамілі БЕЛТА ў прадстаўніцтве ПРААН у Беларусі.


«Як і ва ўсім свеце, бізнес-супольнасць у Беларусі сутыкнулася з нечаканымі цяжкасцямі, якія выклікала пандэмія каранавіруса. Многія прадпрымальнікі не былі гатовы ў кароткія тэрміны самастойна падхапіць новыя тэндэнцыі, адаптавацца і прымяніць эфектыўныя бізнес-стратэгіі ва ўмовах, калі ўсё хутка змяняецца, таму для дапамогі бізнесу ў барацьбе з крызісам ПРААН запускае бясплатны адукацыйны праект «Бізнес-19», — расказалі ў прадстаўніцтве ПРААН.

Праграма арыентавана на навучанне прадпрымальнікаў практычным навыкам вядзення бізнесу ва ўмовах пандэміі. Пры стварэнні праекта ўлічваліся актуальныя трэнды і вопыт рэальных кампаній, якія паспяхова адаптаваліся да работы ў час COVID-19.

«Удзельнікі праграмы атрымаюць эфектыўныя інструменты, якія дапамогуць бізнесу справіцца з крызіснымі сітуацыямі. Прадпрымальнікі, якія прааналізуюць атрыманую інфармацыю, змогуць распрацаваць уласны комплекс мер па адаптацыі іх бізнес-сферы да ўмоў пандэміі, — адзначыў каардынатар праектаў ПРААН Кірыл Сцежкін. — Атрыманыя веды таксама дапамогуць аднавіцца пасля страт і зрабіць бізнес больш устойлівым да любых крызісных абставін у будучым».

Адукацыйная праграма будзе складацца з двух блокаў. Першая частка ўключае серыю з 10 анлайн-лекцый ад бізнес-экспертаў, прафесійных трэнераў і ўладальнікаў уласных кампаній. Другі блок грунтуецца на паглыбленым курсе навучання, дзе можна будзе атрымаць ментарскую і кансультацыйную падтрымку ад выкладчыкаў і аўтараў праграмы. Першае мерапрыемства праекта пройдзе 27 лістапада. Занятак будзе прысвечаны трэндам і стратэгічнаму планаванню ва ўмовах каранакрызісу.

Прэв’ю: business-magazine.online

Выбар рэдакцыі

Эканоміка

Якія асноўныя паказчыкі і параметры закладвае Магілёўшчына ў сваю рэгіянальную праграму развіцця?

Якія асноўныя паказчыкі і параметры закладвае Магілёўшчына ў сваю рэгіянальную праграму развіцця?

Пра гэта ў нашай гутарцы з намеснікам старшыні Магілёўскага аблвыканкама Русланам Страхаром.

Эканоміка

Разбіраем інвестпраграму Мінска на бягучы год

Разбіраем інвестпраграму Мінска на бягучы год

Яна ў гэтым годзе на 20 % «таннейшая», чым у папярэднім.

Культура

Бландзінкі за шпільцішам. Карэспандэнт «Звязды» зазірнуў углыб аргана

Бландзінкі за шпільцішам. Карэспандэнт «Звязды» зазірнуў углыб аргана

Прыгажуні-гераіні паралельна — выкладчыцы Віцебскага дзяржаўнага музычнага каледжа імя Салярцінскага.

Грамадства

Як кадравыя агенцтвы падманваюць даверлівых грамадзян

Як кадравыя агенцтвы падманваюць даверлівых грамадзян

Калі ў кадравым агенцтве вам прапануюць заплаціць грошы і гарантуюць стапрацэнтнае працаўладкаванне, смела разварочвайцеся і сыходзьце: перад вамі, напэўна, ашуканцы.