Вы тут

Прамая лiнiя — кожны дзень


Чарговую прамую тэлефонную лiнiю правёў днямi начальнiк Галоўнага ўпраўлення юстыцыi Мiнаблвыканкама, член Савета Рэспублiкi Аляксандр Бачыла. На ўсе пытаннi зацiкаўленыя атрымалi падрабязную iнфармацыю.


— Калi тэлефануюць грамадзяне, даваць адказы я стараюся адразу, iмкнуся вырашаць пытанне iмгненна. Калi сiтуацыя нестандартная, спрэчная, то яна патрабуе паглыбленага вывучэння. Пры неабходнасцi падключаю адпаведныя службы. Мы не назапашваем пытаннi, каб перанакiраваць заяўнiкаў на прамую тэлефонную лiнiю цi на прыём грамадзян. Хтосьцi скажа, што мы кожны дзень ахвяруем сваiм часам, але ў далейшым такiя метады работы даюць яго эканомiю. Нам не даводзiцца затым гэтыя пытаннi раскручваць цэлы месяц. Ды i паперу зберагаем ад лiшняй перапiскi. Так што нас не назавеш бюракратамi, — цi то жартам, цi сур'ёзна кажа Аляксандр Аляксандравiч.

Сапраўды, Аляксандр Бачыла не адгароджваецца ад запытаў грамадзян высокай сцяной. Нумар яго тэлефона ў прамым доступе на сайце галоўнага ўпраўлення юстыцыi. Таму ў любы час дня ўсе ахвотныя могуць атрымаць неабходную iнфармацыю ў поўным аб'ёме.Тым больш што падчас цяперашняй эпiдэмiялагiчнай сiтуацыi Аляксандр Аляксандравiч, ды i iншыя людзi, iмкнуцца скарацiць колькасць прамых сацыяльных кантактаў.

Дадам, што ў органаў юстыцыi шматпрофiльная дзейнасць, таму i пытаннi ад заяўнiкаў паступаюць рознабаковыя. Але, бадай, найбольш хвалююць жыццёвыя сiтуацыi. Напрыклад, спагнанне даўгоў, калi адзiн суб'ект гаспадарання не вяртае пазыку iншаму, алiментаў на ўтрыманне дзяцей. Цiкавяцца грамадзяне i тым, як зарэгiстравацца ў якасцi юрыдычнай асобы, iндывiдуальнага прадпрымальнiка. Яны атрымлiваюць вычарпальную кансультацыю па сваiм запыце.

Але калi сiтуацыя складаная, спецыялiсты просяць выкласцi ўсё пiсьмова з абгрунтаванымi довадамi, аргументамi ўсiх зацiкаўленых. Усё больш грамадзян звяртаецца па электроннай пошце. Ёсць магчымасць звярнуцца i па вiдэасувязi.

— А якiя пытаннi часцей за ўсё адрасуюцца вам як сенатару?

— У верхнюю палату Нацыянальнага сходу я вылучаны ад трох раёнаў: Крупскага, Бярэзiнскага i Чэрвеньскага. Я не сказаў бы, што ў жыхароў узнiкае шмат пытанняў, як гэта было некалькi гадоў таму. Амаль што ўсе сем'i цяпер маюць iнфармацыйныя рэсурсы, яны арыентуюцца, у кампетэнцыi якога дзяржаўнага органа, службы, падраздзялення вырашэнне iх пытання. Мяркую, каля 95 % насельнiцтва ведае, да каго iм звяртацца. Далёка не ўсе iдуць на прыём, скажам так, да першага сустрэчнага чыноўнiка абласнога, рэспублiканскага ўзроўняў, што прыбыў у раён. Такая практыка, на маё меркаванне, паступова сыходзiць, а ў нашай сферы юстыцыi яна ўжо практычна звялася амаль зусiм.

Таццяна ЛАЗОЎСКАЯ

Прэв’ю: zhodinonews.by

Выбар рэдакцыі

Грамадства

Чаму ў старасці псуецца характар, з'яўляюцца бяссонніца і трывожнасць

Чаму ў старасці псуецца характар, з'яўляюцца бяссонніца і трывожнасць

Аб праблемах старэння і тым, як заўважыць і, магчыма, прадухіліць розныя псіхалагічныя захворванні ў пажылых, мы паразмаўлялі з урачом-псіхатэрапеўтам Гарадскога клінічнага псіхіятрычнага дыспансера Марынай Шчаслянок.

Грамадства

«Беларусь у маіх вачах». Блогер Паліна Амяльянчык выбірае малавядомыя маршруты для падарожжаў і адкрывае нечакана цікавыя факты з гісторыі роднага краю

«Беларусь у маіх вачах». Блогер Паліна Амяльянчык выбірае малавядомыя маршруты для падарожжаў і адкрывае нечакана цікавыя факты з гісторыі роднага краю

Акрамя фотаздымкаў храмаў і руін былых сядзіб, практычна кожны пост Паліны суправаджаецца яркімі біяграфіямі землякоў. 

Грамадства

Канфуцый «прапісаўся» ў Мінску. Гутарым з дырэктарам Рэспубліканскага інстытута кітаязнаўства імя Канфуцыя БДУ, былым паслом Беларусі ў Кітаі Анатолем Тозікам

Канфуцый «прапісаўся» ў Мінску. Гутарым з дырэктарам Рэспубліканскага інстытута кітаязнаўства імя Канфуцыя БДУ, былым паслом Беларусі ў Кітаі Анатолем Тозікам

20 студзеня Беларусь і Кітай адзначаюць 29-ю гадавіну ўстанаўлення дыпламатычных адносін паміж нашымі краінамі.