Вы тут

Адмысловыя таблічкі з інфармацыяй аб героях Вялікай Айчыннай вайны з’явіліся ў Гомелі


Яны ўсталяваны на жылых дамах мікрараёна новабудоўляў Шведская Горка.


Інфармацыйныя таблічкі ў гонар Дзмітрыя Пенязькова і Рыгора Дзенісенкі цяпер славутасць новага мікрараёна Шведская Горка. Імёнамі Герояў Савецкага Саюза, які звязалі сваё жыццё з Гомелем, у 2015 годзе тут былі названыя вуліцы.

Савецкі афіцэр Дзмітрый Пенязькоў родам з Гомеля. Да пачатку вайны паспеў папрацаваць настаўнікам. У 1945-м адным з першых фарсіраваў Одэр, гранатамі знішчыў танк праціўніка. Перадавым атрадам, у складзе якога ён знаходзіўся, быў захоплены плацдарм. 22 красавіка 1945 года адбыўся штурм адной з важных вышынь і Пенязькоў, першым дасягнуўшы вяршыні, усталяваў на ёй чырвоны сцяг. Затым адзін за кулямётам утрымліваў вышыню, пакуль не падышлі асноўныя сілы роты, і, нягледзячы на раненне, не пакінуў поле бою. У мірны час Дзмітрый Нікандравіч шмат гадоў працаваў у філіяле Беларускага політэхнічнага ўніверсітэта ў Гомелі. Памёр Герой Савецкага Саюза ў 2002 годзе. У 2004 годзе сярэдняй школе № 3 Гомеля было прысвоена ганаровае імя Д. Н. Пенязькова.

Ганаровы грамадзянін Гомельскай вобласці Рыгор Дзенісенка нарадзіўся ў 1922 годзе на Харкаўшчыне, з 1943-го ваяваў на ўкраінскіх франтах, быў штурманам эскадрыллі 235-га штурмавога авіяпалка. Здзейсніў амаль 200 баявых вылетаў, знішчыў 8 самалётаў, некалькі дзясяткаў танкаў, больш за 100 варожых аўтамашын. Удзельнічаў у баях за вызваленне Венгрыі, Польшчы, Румыніі, Чэхаславакіі, Аўстрыі. Пасля вайны працягнуў службу ў Савецкай Савецкай Арміі да 1957 года. Больш за 50 гадоў палкоўнік запаса пражыў у Гомелі, працаваў старшым інжынерам на заводзе «Электраапаратура». Памёр Герой Савецкага Саюза ў 2011 годзе.

Сёння ў маладым гомельскім мікрараёне новабудоўляў, дзе вуліцы названыя ў гонар выбітных гамельчукоў, пражываюць больш за 13 тысяч чалавек. Аднак, на жаль, не ўсе жыхары Шведскай Горкі да гэтага часу ведаюць, у гонар каго названыя вуліцы іх мікрараёна. На гэта звярнуў увагу дэпутат Палаты прадстаўнікоў Нацыянальнага Сходу папярэдняга склікання, гамяльчук  Павел Ждановіч, які праводзіў сустрэчы з моладдзю. Дэпутат выступіў з ініцыятывай вырабіць адмысловыя таблічкі з інфармацыяй аб Героях Вялікай Айчыннай вайны. Выканаў памятныя дошкі індывідуальны прадпрымальнік з Рэчыцы.

Наталля КАПРЫЛЕНКА

Выбар рэдакцыі

Грамадства

Як кадравыя агенцтвы падманваюць даверлівых грамадзян

Як кадравыя агенцтвы падманваюць даверлівых грамадзян

Калі ў кадравым агенцтве вам прапануюць заплаціць грошы і гарантуюць стапрацэнтнае працаўладкаванне, смела разварочвайцеся і сыходзьце: перад вамі, напэўна, ашуканцы.

Грамадства

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

У адрозненне ад «хімічных антыбіётыкаў», прыродныя лекі не толькі дапамагаюць перамагчы інфекцыю, але і ўмацоўваюць ахоўныя ўласцівасці арганізма.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.