16 студзеня, субота

Вы тут

Акцыя «Цвярозы кіроўца» стартуе на тэрыторыі Міншчыны


З 27 па 30 лістапада Дзяржаўтаінспекцыя Мінскай вобласці праводзіць абласную прафілактычную акцыю «Цвярозы кіроўца».


Па інфармацыі УДАІ УУС Мінаблвыканкама, за 10 месяцаў года па віне нецвярозых кіроўцаў здзейснена 93 дарожна-транспартных здарэнні, у якіх 32 чалавека загінулі, (у 2019 −19) і 70 атрымалі траўмы рознай ступені цяжкасці.

«Нагадваем, што дзеючым заканадаўствам за кіраванне транспартным сродкам у стане ап’янення альбо перадачу права кіравання нецвярозаму, а таксама адмову ад праходжання агляду прадугледжваецца пакаранне ў выглядзе пазбаўлення права кіравання ўсімі відамі транспартных сродкаў тэрмінам на тры гады і штрафу ў памеры ад 50 да 100 базавых велічынь.

За паўторнае кіраванне ў стане ап’янення на працягу года правапарушальнік прыцягваецца да крымінальнай адказнасці, пры гэтым прадугледжана спецыяльная канфіскацыя транспартнага сродку, якім кіравалі ў стане ап’янення, незалежна ад права ўласнасці».

Дарэчы, за названы перыяд на тэрыторыі вобласці вартавымі дарог затрымана больш за 3 тысячы кіроўцаў у стане ап’янення. Паўторна на працягу года выяўлена156 фактаў дадзенага правапарушэння, кіроўцы прыцягнутыя да крымінальнай адказнасці.

ДАІ Мінскай вобласці заклікае грамадзян не заставацца абыякавымі. Калі вы бачыце ці ведаеце, што транспартным сродкам кіруе чалавек у стане ап’янення, паведаміце на тэлефонную лінію 102.

Сяргей РАСОЛЬКА

Прэв’ю: pvlida.by

Выбар рэдакцыі

Грамадства

Калі маці як дзіця, або Як пасябраваць з самымі роднымі людзьмі, якія на старасці гадоў сталі асаблівымі

Калі маці як дзіця, або Як пасябраваць з самымі роднымі людзьмі, якія на старасці гадоў сталі асаблівымі

Што рабіць, калі нечакана маці або бацька сталі вельмі настойліва заяўляць пра сябе?

Культура

Слухаць сняжынкі, сачыць за ростам травы. Янка Сіпакоў не любіў тусовак  і лічыў адзіным багаццем кнігі

Слухаць сняжынкі, сачыць за ростам травы. Янка Сіпакоў не любіў тусовак і лічыў адзіным багаццем кнігі

Вось ужо дзесяць гадоў, як пісьменнік Янка Сіпакоў застаўся ў сваіх кнігах — і тых, што падарыў, а найперш, у тых, што напісаў... А споўнілася б яму сёння 85 гадоў.