Вы тут

На наступным тыднi ўжо ўдзень будзе да мiнус 5 градусаў


У чацвер метэаралагiчныя ўмовы ў краiне фармавала цёплая частка цыклону, названага нямецкiмi сiноптыкамi «Таня», i тэмпературны фон быў на 3—5 градусаў вышэйшы за клiматычную норму. А ў выхадныя пачнецца пахаладанне, паведамляюць спецыялiсты Рэспублiканскага цэнтра гiдраметэаралогii, кантролю радыеактыўнага забруджвання i манiторынгу навакольнага асяроддзя Мiнпрыроды.


Сёння ўдзень умовы надвор'я на тэрыторыi краiны будуць вызначаць атмасферныя франты ад гэтага цыклону, цэнтр якога з поўначы Батнiчнага залiва ссоўваецца на Цвярскую вобласць Расii. На большай частцы тэрыторыi краiны пройдуць кароткачасовыя ападкi ў выглядзе дажджу i мокрага снегу.

А вось у гэтыя выхадныя на надвор'i адаб'ецца ўплыў атмасферных франтоў i халоднай паветранай масы, якая распаўсюджваецца з паўночнага захаду Еўропы. Чакаецца шмат аблокаў. У суботу на большай частцы тэрыторыi краiны пройдуць кароткачасовыя ападкi, у асноўным у выглядзе снегу, мокрага снегу. Уначы i ранiцай месцамi магчымы слабыя туман i галалёд. На асобных участках дарог чакаецца галалёдзiца. Вецер прагназуецца паўночна-заходнi, заходнi ўмераны. Тэмпература паветра ўначы складзе ад мiнус 4 градусаў да 2 цяпла, удзень — ад 2 марозу да 4 цяпла.

У нядзелю чакаецца дзень снегу. У нашай краiне ён будзе iсцi практычна паўсюдна i амаль цэлыя суткi. На асобных участках дарог — галалёдзiца. Вецер прагназуецца паўночны ўмераны. Тэмпература паветра ўначы складзе ад 5 марозу да 1 цяпла, удзень — ад мiнус 3 да плюс 3 градусаў.

Паводле папярэднiх прагнозаў айчынных сiноптыкаў, на наступным тыднi нас чакае iстотнае пахаладанне, калi тэмпературны рэжым у многiх раёнах Беларусi спачатку вернецца ў клiматычныя рамкi, а ў першых чыслах каляндарнай зiмы сярэднясутачныя тэмпературы абяцаюць нават крыху нiжэйшыя за норму. На значнай частцы тэрыторыi ляжа снежнае покрыва.

У панядзелак халодны вецер прыйдзе да нас з поўначы Еўропы. Таму на большай частцы тэрыторыi краiны пройдзе кароткачасовы снег, мокры снег. На асобных участках дарог чакаецца галалёдзiца. Тэмпература паветра ўначы складзе ад нуля да мiнус 7 градусаў, удзень — ад 4 марозу да 1 цяпла. Але гэта толькi «кветачкi», сапраўдны холад наперадзе.

У наступныя два днi (у аўторак i сераду) надвор'е будуць фармiраваць арктычныя паветраныя масы i малаактыўныя франтальныя раздзелы. Атмасферны цiск вырасце, аблокi пачнуць рассейвацца, ападкаў стане менш. Толькi ў асобных раёнах краiны магчымы кароткачасовы снег. На асобных участках дарог чакаецца галалёдзiца. Тэмпература паветра ўначы складзе да мiнус 7 градусаў, пры праясненнях — 8—10 марозу. Удзень таксама будзе не зусiм камфортна — ад 5 марозу да 1 цяпла. Вось так — снежань на носе.

Сяргей КУРКАЧ

Выбар рэдакцыі

Грамадства

Як кадравыя агенцтвы падманваюць даверлівых грамадзян

Як кадравыя агенцтвы падманваюць даверлівых грамадзян

Калі ў кадравым агенцтве вам прапануюць заплаціць грошы і гарантуюць стапрацэнтнае працаўладкаванне, смела разварочвайцеся і сыходзьце: перад вамі, напэўна, ашуканцы.

Грамадства

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

У адрозненне ад «хімічных антыбіётыкаў», прыродныя лекі не толькі дапамагаюць перамагчы інфекцыю, але і ўмацоўваюць ахоўныя ўласцівасці арганізма.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.